Բացառվում է, որ ես որևէ ցուցակով մասնակցեմ ԱԺ ընտրություններին, որովհետեև ինձ խորհրդարանական գործունեության մեջ սկզբունքորեն չեմ տեսնում. այս մասին այսօր՝ հոկտեմբերի 26-ին, ԱԺ-ում լրագրողների հետ զրույցում նշեց այդ հանձնաժողովի նախագահ, ՀՀԿ խմբակցության պատգամավոր Գեւորգ Կոստանյանը:
Վերջինիս խոսքով՝ ինքն իրեն տեսնում է որպես փաստաբան. «Ես 14 տարի պետության փաստաբանն եմ եղել Եվրոպական դատարանում: Փաստաբանական գործունեությամբ կարող եմ զբաղվել շատ մեծ հաճույքով, դա ինձ հոգեհարազատ է»:
Հարցին՝ կարո՞ղ է համագործակցություն լինել այն գերատեսչություններում, որտեղ ինքն իրեն տեսնում է. Կոստանյանը պատասխանեց. «Ես չեմ մտածել այդ ուղղությամբ: Ես ասել եմ, որ պատրաստ եմ իմ համեստ ներդրումն ունենալ երկրի բարօրության ուղղված, բացառապես մասնագիտական ֆորմատում, քաղաքական ֆորմատում որևէ մեկի հետ համագործակցություն չեմ ունենա»:
