«Իմ քայլը» խմբակցության անդամ Թագուհի Ղազարյանը, դիմելով ԱԺ փոխնախագահի թեկնածու Վահե Էնֆիաջյանին, հիշեցրեց նրան սեպտեմբերի 22-ին տեղի ունեցած մամուլի ասուլիսը, երբ վերջինս իր գործընկերների հետ անակնկալ ձևով հայտնվեց ասուլիսի սրահում ու միջամտեց ասուլիսի ընթացքին: Ղազարյանը հետաքրքրվեց` ոչ ականջահաճո ձևակերպումների դեպքում նրանք դարձյա՞լ նման միջամտություն են անելու, թե՞ արդեն ավելի քաղաքակիրթ պահվածք է լինելու:
Էնֆիաջյանը խոստացավ գործել իրեն վերապահված լիազորությունների շրջանակներում:
«Սեպտեմբերի 22-ին տեղի ունեցած միջադեպի հետ կապված` ես և գործընկերներս ստիպված ենք եղել միջամտել և դիրքորոշում հայտնել, որովհետև, գիտեք, որ Երևանում տեղի էր ունենում ավագանու և Երևանի քաղաքապետի ընտրություն, լռության օրը հակաքարոզչություն էր իրականացվում: Միտումը եղել է մեկը` թույլ չտալ, որ օրենքով սահմանված որևէ ընթացակարգ խախտվի»,- ասաց նա: