Դեռևս նախորդ տարվա նոյեմբերին տեղեկացրել էինք, որ Մոսկովյան փողոցի սրճարաններից մեկում իրականացվում է շինարարություն, որը եթե ավարտին հասցվի Կասկադից Օպերան այլևս չի երևա: Ֆեյսբուքյան մի քանի օգտատերեր, այդ թվում՝ երգիչ Արթուր Իսպիրյանն այն ժամանակ բարձրաձայնել էին կատարվող շինարարության մասին՝ մասնավորապես գրելով.
«Սանտա Ֆե» սրճարանի տարածքում կառուցում են երկու հսկա շինություններ, որը փակում է Կասկադից երևացող Օպերայի տեսարանը»:
Ավելի ուշ Երևանի կենտրոնում, Ալեքսանդր Թամանյանի արձանի դիմացի սրճարանի ապօրինի շինարարությունը դադարեցվել էր և կազմվել էր արձանագրություն:
Հիմա, ինչպես երևում է Արթուր Իսպիրյանի տրամադրած նկարներից, շինարարությունը սրճարանի տարածքում վերսկսել է: Ի դեպ, ֆեյսբուքյան իր էջում տեղադրելով այս լուսանկարները, երգիչը դրանք մակագրել է` «Անկուշտ, ագահ»:
