«Ռուս ԿուԿուՌուզ, Հավի տուտուզ»,-այսպես էին անվանել կազմակերպիչները հերթական երեկոն Արամի 42/1 հասցեում գտնվող Ժան Պոլ Էքզիստենցիալ սրճարանում:
Այցելուների շրջանում առավել հայտնի իբրև «Կուկուռուզ Party» անունով` այս երեկոն անցկացվում է երկրորդ անգամ և ինչպես նախորդ հավաքին, այս անգամ էլ այն ուղեկցվում էր շատերի մանկության հիշողություններով, դրանց մասին տարբեր խոսակցություններով ու նաև ` այն հիշեցնող երաժշտությամբ:
Այցելուներից շատերին է գրավում այն, որ Ժան Պոլ Էքզիստենցիալ սրճարանը նման է բնակարանի, խորհրդային կահավորմամբ ու տրամադրությամբ, ինտերիերը նույնպես սովետական է, հիմնականում 70-ականների:
Այստեղ շարունակվում են ու առաջիկայում էլ ներկայացվելու են հետաքրքիր երեկոներ, հայտնի նկարիչների ցուցահանդեսներ, կազմակերպվելու են քննարկումներ ու հետաքրքիր հանդիպումներ:
Ինչպես ժամանակակից հայ տաղանդավոր գրողներից Արամ Պաչյանն է նկատել, շնորհիվ Ժան Պոլ Էքզիստենցիալ սրճարանի, Երեւանն իսկապես արդեն ունի մի վայր, որտեղ գերակա են խոսակցությունը, զրույցը, բանավեճը, որտեղ արվեստն ու չարվեստը թափառում են սենյակից սենյակ, հոսում աստիճաններով, շարունակվում փողոցում:
Ժան Պոլ Էքզիստենցիալ սրճարանի նորություններին կարելի է հետևել ֆեյբուքյան էջում. նշենք, որ մեկ հարկ ներքև էլ գտնվում է Նավավար ձկնալի ըմպելարանը, որն իր տեսակով եզակին է Երևանում. յուրահատուկ է ինչպես իր առաջարկած ձկնային ուտեստներով, այնպես էլ ինտերիերով:
ՆԱՎԱՎԱՐ-ի նորություններին էլ կարող եք հետևել ձկնալի ըմպելարանի ֆեյսբուքյան էջում:
