Օրրանի Վանաձորի կենտրոնի տասնհինգ երեխաներ` կազմակերպության մանկավարժների հետ անմոռանալի և ուրախ օր անցկացրեցին Լոռվա գեղատեսիլ վայրերից մեկում ` Դեբետ գյուղում:
Մի կողմում` անտառ ու դաշտ , մյուս կողմում ` վճիտ ու կարկաչահոս գետակ և Հովիվյան ընտանիքի հյուրընկալ ու ջերմ տուն:
Օրրանցիների համար ամառային վերջին կիրակին անմոռանալի դարձրեց «Կանակա» շինարարական կազմակերպության նախագահ, Օրրանի բարեկամ , Օրրանի Վանաձորի կենտրոնի տնօրենների խորհրդի անդամ Հայկ Հովիվյանը , որը գեղեցիկ հյուրասիրություն էր կազմակերպել իր հարկի ներքո:
Երեխաները մի ամբողջ օր վայելեցին Դեբետի մաքուր օդը, խաղեր կազմակերպեցին , լողացան գետում , իսկ վերջում նրանց սպասում էր «Կանակա» կազմակերպության անակնկալը. նոր ուսումնական տարվա առթիվ ներկա բոլոր երեխաները գրենական պիտույքների մի մեծ փաթեթ ստացան:
Լուսանկարներում՝ Օրրանի Վանաձորի կենտրոնի շենքը, որը կառուցել է «Կանակա» շինարարական կազմակերպությունը և Դեբետյան անմոռանալի մեկ օրից՝ մի քանի ակնթարթ:
