hraparak.am-ը գրում է. Մեր`«Հայտնի գործիչները՝ ոճաբանի աչքով» շարքի այսօրվա հերոսուհին Րաֆֆի Հովհաննիսյանի կինն է` Արմինե Հովհաննիսյանը։Մեր ոճաբան Նիակրիսը վերլուծել է նրա իմիջը, մատնանշել առկա սխալները և դրական կողմերը։
Հազվադեպ է ոճում սխալներ թույլ տալիս. հագուստի գինը միջին չափի է
Մեր շարքի տրամաբանական շարունակությունը պետք է լիներ Լյուդմիլա Տեր-Պետրոսյանի ոճի վերլուծումը, բայց քանի որ նկարներ հայթայթելու` մեկ շաբաթից ավելի տևած մեր փորձերը ձախողվեցին, ստիպված հանգիստ ենք թողնում տիկին Տեր-Պետրոսյանին ու նրա ոճը և անցնում ժամանակին գրեթե առաջին տիկին դարձած Արմինե Հովհաննիսյանին՝ Րաֆֆի Հովհաննիսյանի տիկնոջը: Տիկին Արմինեն Արևմտյան քաղաքական տրադիցիաների ամենավառ ներկայացուցիչն է մեր երկրում. ժպտերես, բարեհամբույր, գրեթե միշտ պատշաճ դրեսս կոդով հագնված: Տիկին Հովհաննիսյանը, անշուշտ, դրական էմոցիաներ է առաջացնում առաջին իսկ հայացքից, տիկին Արմինեն հազվադեպ է ոճում սխալներ թույլ տալիս, դասական էլեգանտ հագուստով՝ ճիշտ ընդգծում է թե մարմնի բարեմասնությունները, թե խնամված տեսքը: Միակ թերացումը, թերևս, այն է, որ նա գրեթե միշտ նախընտրում է սև գույնը, ինչը դեժավյու-ի տպավորություն է թողնում, չնայած որ անգամ սև զգեստները բազմազան են և չեն կրկնվում: Խորհուրդ կտայի հրաժարվել անթև զգեստերից և անգամ ամռանը նախընտրել մինչև արմունկը հասնող թևքերով մոդելները, և արժե փոխել սև գույնը կամ փորձել այն համալրել այլ գույներով: Հագուստի գնի մասին. կարծում եմ` հագուստը միջին գնային սանդղակում է, քանի որ շատ թանկ և հայտնի ֆիրմային մոդելներ չեմ տեսնում, բայց արտաքին տեսքը և դետալները վկայում են լավ որակի մասին:
Դետալներն ու զարդերը
Ինչ վերաբերում է զարդերին, ապա տիկին Արմինեն հաճախ է կրում մարգարտե զարդեր, ինչը բարձր ճաշակի մասին է վկայում, ու ընդհանրապես զարդերն ընտրում է տեղին ու առիթին համապատասխան: Կոշիկները. կարծում եմ՝ արժե հրաժարվել սուր քթով կոշիկներից, քանի որ դրանք ընդհանուր տեսքին տարիք ավելացնելու հատկություն ունեն և առանց պրոֆեսիոնալ օգնության շատ դժվար են համադրվում:
Սանրվածք և դիմահարդարում
Այստեղ առկա է մի քանի սխալ: Կիսահավաքած մազերը ամենալավ տարբերակը չեն, թափված կամ բարձր պոչիկը, կարծում եմ, ավելի կսազեն մեր այսօրվա հերոսուհուն, քանի որ տիկին Արմինեի մաշկի գույնը բազմազան էքսպերիմենտների հնարավորություն է տալիս, երանգի ցանկացած ընտրությունը թույլատրելի է: Դեմքը՝ արժե փոխել, հոնքերի ձևը՝ հրաժարվել չափից ավելի երկար ֆորմայից, քանի որ այդպիսով վիզուալ իջնում են աչքերի անկյունները, ու դեմքը հոգնած տպավորություն է թողնում: Դիմահարդարումը ևս շտկման կարիք ունի, սուրմայով արված խիստ սև գծերը (стрелки) արժե թողնել անցյալում և նախապատվությունը տալ ավելի շագանակագույն երանգներին: Ասում են՝ դիմահարդարումը ձեռագրի պես բան է. փոխել գրեթե անհնար է, բայց տարիքի հետ արժե հրաժարվել աչքի զարնող շպարից և բավական աննկատ make up նախընտրել: Իսկ կարմիր շրթներկը շատ սազում է տիկին Արմինեին: Եվ վերջում, կարելի է միայն հիանալ բազմազավակ մայր, բարեգործ ու ընդհանրապես հաճելի մարդով, տիկին Արմինեն խնամված ու գեղեցիկ կին է, և միանշանակ չարժե թերագնահատել այսպիսի կնոջ դերը սեփական ամուսնու քաղաքական նվաճումներում:
Նյութը`սկզբնաղբյուր կայքում
