«Մեզ մոտ' Դիլիջանում, ծորակը բացում ես, ջուրը հոսում է... Աշխարհում երկրորդ տեղն է գրավում»,- ով գոնե մեկ անգամ տեսել է «Միմինոն»,  կհիշի այս արտահայտությունը:

Սակայն մերօրյա «կինոն» այնքան էլ  հպարտանալու առիթ չի տալիս:

 ««Շնորհակալություն»  «Վեոլիա Ջուր» -ին նման ջուր ունենալու համար»,-նման մակագրությամբ տեսանյութ է հրապարակել համացանցում Արտաշես  Հովսեփյանը՝ նշելով, որ կադրերն արվել է Դիլիջանում և հարցնելով, թե ոլորտի պատասխանատուները երբ պետք է սթափվեն կամ պատասխանատվություն կրեն նման անփութության ու անգործության համար: 

Հիշեցնենք, որ Դիլիջանում ջրամատակարարման խնդիրները խորհրդայյին տարիներից են, սակայն այդպես էլ չի հաջողվել դրանք լուծել: Անհրաժեշտ է հիմնովին վերակառուցել մաքրման ու  ջրապաշտպան կառույցները, քանի որ խողովակները 30 տարուց ավելի վաղեմություն ունեն: