Ալան Թյուրինգ
Մահացել է 42 տարեկանում (1912-1954)
Հայտնի անգլիացի մաթեմատիկոս, տրամաբան, գաղտնավերլուծող և ինֆորմատիկայի մասնագետ։
1954 թվականին Թյուրինգը մեղադրվեց նույնասեռականության մեջ և ազատազրկվելուց խուսափելու համար համաձայնեց կանացի հորմոնների միջոցով քիմիական կրտման։ Իր 42–ամյակից 16 օր առաջ Թյուրինգն ինքնասպան եղավ՝ ներարկելով ցիանիդը խնձորի մեջ և ուտելով այն։
Ադոլֆ Հիտլեր
Մահացել է 56 տարեկանում (1889-1945)
Գերմանացի քաղաքական գործիչ, 1933-1945թթ. Նացիստական կուսակցության ղեկավար, Գերմանիայի կանցլեր, 1934-1945 թվականներին նացիստական Գերմանիայի Ֆյուրեր (Առաջնորդ):
Տեղեկանալով այն մասին, որ ԽՍՀՄ զորքերի առաջխաղացումը հնարավոր չէ կասեցնել, Հիտլերին մնում էր միայն պատսպարվել Բերխտեսգադենի իր ամառանոցում։ Սակայն Ֆյուրերն որոշում է այլ կերպ վարվել։ 1945 թվականի ապրիլի 30-ին Ադոլֆ Հիտլերը և նրա կին Եվա Բրաունն ինքնասպան են լինում՝ ընդունելով ցիանիդ, որն ի սկզբանե փորձարկել էին իրենց սիրելի շան՝ Բլոնդիի վրա։ Համոզված լինելու համար, որ հնարավոր չէ փրկվել, Հիտլերը կրակ է արձակում՝ ատրճանակի փողը պահելով բերանում։
Իբն ալ-Խաթթաբ
Մահացել է 33 տարեկանում (1969-2002)
Արաբ վարձու մարդասպան, իսլամիստական ահաբեկիչ, Սուննի ջիհադիստ։
2002 թվականի մարտի 20-ին Խաթթաբը մահանում է Ռուսաստանի Դաշնության Անվտանգության դաշնային ծառայության կողմից ուղարկված թունավորված նամակով։ Նամակը ներծծված է եղել հատուկ թույնով և նրա հետ ցանկացած ուղղակի շփում մահացու էր։ Ըստ վարկածների՝ մինչև իր վերջնական հասցեատիրոջը հասնելը՝ նամակը հանդիսացել է ավելի քան 10 մարդկանց մահվան պատճառ։
Ստեպան Բանդերա
Մահացել է 50 տարեկանում (1909-1959)
Ուկրաինացի քաղաքական գործիչ, ուկրաինական ազգայնականության գաղափարախոս ու տեսաբան։
1959 թվականի հոկտեմբերի 15-ին տուն վերադառնալիս՝ Բանդերային իր տան մուտքում սպասում է ԿԳԲ գործակալ Բոգդան Ստաշինսկին, ով սպանության գործիքը՝ ատրճանակ-ներարկիչը պահում է թերթի փաթաթանի մեջ։ Ստաշինսկին հետևում է իր զոհին դեռևս հունվարից և Բանդերան այդ օրը նրան նկատած է լինում եկեղեցում։ Բարձրանալով 3-րդ հարկ՝ Բանդերան ճանաչում է Ստաշինսկուն, և ի պատասխան «ի՞նչ եք այստեղ անում» հարցին՝ անծանոթը թերթի փաթաթանից հանում է ատրճանակն ու կրակում Բանդերայի դեմքին։
Ալեքսանդր Լիտվինենկո
Մահացել է 44 տարեկանում (1962-2006)
Փախստականի վիճակում հայտնված ռուս նախկին սպա, պետանվտանգության փոխգնդապետ (1988—1999), կազմակերպված հանցագործության դեմ պայքարի հատուկ խմբի անդամ
2006 թվականի նոյեմբերի 1-ին Լիտվինենկոյի առողջական վիճակը խիստ վատթարանում է և բժշկական ախտորոշումից հետո պարզ է դառնում, որ Լիտվինենկոյին թունավորել են պոլոնիում-210 ռադիոակիվ նյութով։ Ի վերջո, նոյեմբերի 23-ին Լիտվինենկոն կնքում է մահկանացուն՝ դառնալով բժշկությանը հայտնի պոլոնիում-210-ով թունավորված սուր ճառագայթային համախտանիշի առաջին զոհը։
