«Ժամանակ» թերթը գրում է. «Նախընտրական կրքերը բավական լարված են նաեւ Լոռու մարզում: Կիզակետում դարձյալ ՀՀԿ-ական պատգամավորներն են: Մեզ հասած տեղեկություններով՝ բավական լարված են Լոռու մարզում ռեյտինգային ընտրակարգով առաջադրված ԱԺ ՀՀԿ խմբակցության ղեկավար Վահրամ Բաղդասարյանի եւ ՀՀԿ պատգամավոր Կարեն Սարիբեկյանի հարաբերությունները:
Բանն այն է, որ Սարիբեկյանը ղեկավարում է նույն տարածքում ՀՀԿ ռեյտինգային ցուցակով առաջադրված Կարեն Կարապետյանի (Տաշիր) շտաբը եւ այս օրերին մի քանի բախում է եղել:
Առհասարակ, Վահրամ Բաղդասարյանը բավական ծանր վիճակում է հայտնվել այդ տարածքում եւ հարազատ կուսակցությունն այնքան էլ ջանադրաբար չի աջակցում նրան:
Արկադի Համբարձումյանը (Դերժավայի Արկադ), Կարեն Կարապետյանը (Տաշիր) ՀՀԿ-ի համար ավելի ֆավորիտային թեկնածուներ են համարվում, ովքեր կարող են ավելի շատ ձայն ապահովել կուսակցության համար»:
Առավել մանրամասն՝ թերթի այսօրվա համարում
