▲ Դեպի վեր

ՎԵՐՋԻՆ ԼՈւՐԵՐԸ

Շաբաթվա չարաճճիներից ու բզբզացողներից մինչև եղկելի թշվառականներ

Մայա Պողոսյանը՝ իր սրճարանների և խանութի թանկ գների, սրճարանների ոչ մաքուր լինելու մասին և ոչ միայն

Ի՞նչ պատիժ է հասնում Հանրապետության հրապարակում խորոված արած երիտասարդներին

Պետք է հրաման տան ոչնչացնել այն կրակակետը, որտեղից սպանվել է մեր զինվորը.Վահան Բադասյան

Մեղադրանք 14 անձի՝ «Նուբարաշեն» ՔԿՀ-ում անկարգություններ կազմակերպելու գործով



2017-01-09 18:23:41

ՀՀ քննչական կոմիտեի ՀԿԳ քննության գլխավոր վարչությունում ավարտվել է «Նուբարաշեն» ՔԿՀ-ում անկարգություններ կազմակերպելու և իրականացնելու դեպքի առթիվ հարուցված քրեական գործի նախաքննությունը: Ձեռք բերված ապացույցների հիման վրա՝ մեղադրանք է առաջադրվել 14 անձի:

Քննությամբ ձեռք բերված տվյալների համաձայն՝ ՀՀ հատուկ քննչական ծառայությունում քննվող քրեական գործով` Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի՝ խուզարկություն կատարելու որոշման հիման վրա՝ ՀՀ հատուկ քննչական ծառայության և ՀՀ ոստիկանության կազմակերպված հանցավորության դեմ պայքարի գլխավոր վարչության աշխատակիցները 2016թ. մայիսի 3-ին` ժամը 16-ի սահմաններում, գնացել են ՀՀ ԱՆ «Նուբարաշեն» քրեակատարողական հիմնարկի 3-րդ մասնաշենք` թիվ 48 խցում խուզարկություն կատարելու նպատակով:

Նախնական քննության տվյալներով՝ ՔԿՀ-ի նշված խցում պահվող, քրեական հեղինակություն համարվող Արմեն Ալեքսանյանը, քրեակատարողական հիմնարկում պահվող անձանց շրջանում տարածված խոսակցություններից տեղեկացել է նախատեսված խուզարկության մասին և նպատակադրվել խափանել այն։ Մասնավորապես՝ օգտվելով կալանավորված և դատապարտված անձանց շրջանում ունեցած դիրքից ու հեղինակությունից, խուզարկությունը խափանելու նպատակով՝ 2016թ. մայիսի 3-ին՝ ժամը 16:10-ի սահմաններում, անկարգություններ սկսելու բարձրաձայն կոչով դիմել է քրեկատարողական հիմնարկում պահվող կալանավորված և դատապարտված անձանց՝ ասելով. «Բերդ, ախպերներից դաբռո կա, բունտը սկսեք, դուռ խփեք»:

Ա.Ալեքսանյանի հնչեցրած կոչերից հետո նույն քրեակատարողական հիմնարկի տարբեր խցերում պահվող մի խումբ անձինք մասնակցել են բռնության գործադրմամբ, գույքի վնասմամբ և ոչնչացմամբ զուգորդված զանգվածային անկարգություններին։  Անտեսելով քրեակատարողական հիմնարկում վարքի պահպանման վերաբերյալ գործող կանոնները՝ կալանավորված և դատապարտված անձինք վիրավորել և սպառնալիքներ են հնչեցրել իրավապահ և արդարադատության համակարգի ծառայողների հասցեին, այրել և խցերի դռների կերակրադռնակներից միջանցք նետել վառվող բարձեր, ներքնակներ, սրբիչներ և այլ իրեր:

Զանգվածային անկարգության մասնակիցները ոտքերով հարվածել են խցերի դռներին, կոտրել փականները և դուրս գալով խցերից՝ կոտրել 4-րդ մասնաշենքի բանալիների թաքստոց հանդիսացող մետաղյա խողովակը, տարբեր խցերի կերակրադռնակները։ Մետաղյա ձողերով ու այլ առարկաներով վնասել տվյալ մասնաշենքի միջանցքում առկա գույքը, բռնություն գործադրել ՔԿՀ աշխատակցի նկատմամբ։

Քրեական գործով ձեռնարկված միջոցառումների արդյունքում պարզվել են անկարգություններին անմիջական մասնակցություն ունեցած անձանց ինքնությունը, գործողությունների շրջանակը։

Ձեռք բերված ապացույցների համակցությամբ՝ Արմեն Ալեքսանյանին մեղադրանք է առաջադրվել՝ ՀՀ քրեական օրենսգրքի 225-րդ հոդվածի 1-ին մասով՝ զանգվածային անկարգություններ կազմակերպելու, ևս 13 հոգու՝ ՀՀ քրեական օրենսգրքի 225-րդ հոդվածի 2-րդ մասով՝ զանգվածային անկարգություններին մասնակցելու համար:

Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել դատարան:

 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ քննչական կոմիտեի դեպարտամենտի 
տեղեկատվության և հասարակայնության 
հետ կապերի բաժին




Нравится






Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:


Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.