▲ Դեպի վեր

ՎԵՐՋԻՆ ԼՈւՐԵՐԸ

Հայ տեխնոլոգը մշակել է բլոկչեյնին այլընտրանքային հանդիսացող տեխնոլոգիա

Սփյուռքահայի բանաստեղծությունն՝ «Արի տուն» ծրագրի մասին

Ղարաբաղյան հակամարտության արտացոլանքը. կինո և գրականություն

Որքան մարդ է լքել Հայաստանն ու ինչու

Բանկոմատներից յուրացրել է 42.316.000 ՀՀ դրամ. հայտարարվել հետախուզում



2017-08-10 17:28:20

ՀՀ քննչական կոմիտեի Վայոց ձորի մարզային քննչական վարչությունում ձեռնարկված քննչական գործողությունների արդյունքում պարզվել են բանկի աշխատակցի կողմից առանձնապես խոշոր չափերով յուրացում կատարելու դեպքի՝ էական նշանակություն ունեցող մի շարք հանգամանքներ, բանկի աշխատակցուհին ներգրավվել է որպես մեղադրյալ։

«ՎՏԲ-Հայաստան բանկ» ՓԲԸ-ից 2017 թվականի հունիսին գրություն է ստացվել, որ ՓԲԸ-ի «Եղեգնաձոր» մասնաճյուղի թվով 2 բանկոմատների ստուգման արդյունքում հայտնաբերվել է գումարի պակասորդ՝ ավելի քան 4 տասնյակ միլիոն դրամի չափով։

ՀՀ քննչական կոմիտեի Վայոց ձորի մարզային քննչական վարչությունում հարուցվել է քրեական գործ՝ առանձնապես խոշոր չափերով յուրացում կատարելու դեպքի առթիվ, և ձեռնարկվել անհրաժեշտ քննչական և դատավարական այլ գործողություններ՝ հաղորդման մեջ մատնանշված հանգամանքներն ստուգելու, բազմակողմանի, օբյեկտիվ և լրիվ քննությունն ապահովելու ուղղությամբ։

Արդյունքում՝ փաստական տվյալներ են ձեռք բերվել, որ բանկոմատների լիցքավորումը և լիցքաթափումը հիմնականում իրականացվել է ՓԲԸ-ի «Եղեգնաձոր» մասնաճյուղի գործառնական բաժնի պետ Ն.Հարությունյանի կողմից՝ միանձնյա:

Վերջինս, զբաղեցնելով բաժնի պետի պաշտոնը, մասնաճյուղի կառավարչի կարգադրությունների համաձայն, տիրապետել է մասնաճյուղի բանկոմատների թվային կողպեքի կոդերին և իրականացրել բանկոմատների դրամապանակների լիցքավորման և լիցքաթափման գործառույթներ, նյութական պատասխանատվություն կրել բանկոմատի  դրամապանակների լիցքավորված և լիցքաթափված թղթադրամների համար։ Նախնական քննության տվյալներով՝ տարբեր բանկոմատների լիցքավորման և լիցքաթափման գործընթացի ժամանակ մաս-մաս յուրացվել է ընդհանուր 42.316.000 ՀՀ դրամ գումար՝ ՓԲ ընկերությանը պատճառելով առանձնապես խոշոր չափերի գույքային վնաս:

Ձեռք բերված բավարար ապացույցների հիման վրա՝ քննիչը հուլիսի 31-ին որոշում է կայացրել՝ Ն.Հարությունյանին ՀՀ քրեական օրենսգրքի 179-րդ հոդվածի 3-րդ մասի 1-ին կետով որպես մեղադրյալ ներգրավելու մասին: Նրա նկատմամբ որպես խափանման միջոց է ընտրվել կալանավորումը և հայտարարվել հետախուզում:

Հանձնարարություն է տրվել ոստիկանության համապատասխան ստորաբաժանումներին՝ ձեռնարկել անհրաժեշտ օպերատիվ-որոնողական միջոցառումներ՝ հետախուզվողին հայտնաբերելու և վարույթն իրականացնող մարմնին ներկայացնելու ուղղությամբ։

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ  ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:




Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:


Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.