ASEKOSE.am–ի և ՄԵԳԱՊՈԼԻՍ ամսագրի հարցերին պատասխանում է շոումեն Մարկ Սաղաթելյանը:
- Մարդ կամ մարդիկ, ովքեր որոշիչ դեր են ունեցել Ձեր բնավորության ձևավոման գործում:
-Այո, իհարկե կան: Նրանք շատ են` Արթուր Կոնան Դոյլ, Ռեյ Բրեդբերի, Ֆյոդոր Դոստոևսկի, Վիկտոր Հյուգո, Ագաթա Քրիստի, Անտոն Չեխով և այլք:
-Ի՞նչն է Ձեզ ուրիշների համար օգտակար դարձնում:
-Բարիությունս:
-Որո՞նք են Ձեր անձնային ոճի հեռանկարները:
-Կինոն ու հեռուստատեսությունը:
-Ի՞նչն է Ձեզ առանձնացնում մյուսներից և դարձնում ավելի կոմպետենտ:
-Միայն գիտելիքներ, կրթություն ու փորձ, այն էլ` նեղ ու զուտ մասնագիտական:
-Արժեքներ, որոնք անգնահատելի են Ձեզ համար:
-Հարգանք մեծի հանդեպ, չափի զգացում ու ինտելեկտ:
-Չելենտանոն մի առիթով ասել է. «Հավատը ամենահիանալի շնորհն է, որ տալիս է մեզ Աստված` իրեն տեսնելու համար»: Ինչի՞ն է հավատում Մարկ Սաղաթելյանը:
-Նա հավատում է մարդու կամքի ուժին:
-Ասում են` կյանքն ամենագեղեցիկ երգն է: Ո՞րն է Ձեր նախընտրած մեղեդին:
-Չունեմ այդպիսին:
-Ամաչում եք....
-Երբեմն:
- Ձեր մասին երբևէ լսած ասեկոսեներից ո՞րն է Ձեզ ամենից շատ զայրացրել և ո՞րը` զվարճացրել:
-Ուշադրություն չեմ դարձնում ասեկոսեներին, այդ պատճառով էլ չեմ հիշում:
- Սոֆի Լորեն. «Հայտնիությունը լավ բան է առաջին երկու ամիսների ու տանջանք` մնացած բոլոր տարիների ընթացքում»:Համամի՞տ եք:
-Լիովին համաձայն եմ:
