elboletin.com-ը գրում է, որ Շառլ Ազնավուրի նոր ձայնասկավառակը   խանութներում կհայտնվի մայիսի 5-ին`շանսոնյեի  91-ամյա հոբելյանից 2 շաբաթ առաջ, ինչը հոյակապ նորություն է Ազնավուրի մեծաթիվ երկրպագուների համար, որոնք սփռված են ողջ աշխարհով մեկ:
Encores խորագիրը կրող նոր ալբոմում աշխարհահռչակ  երաժիշտ Ազնավուրը մեկտեղել է 12 ամբողջովին նոր երգ, որոնք ներկայացնում է՝ որպես նվեր իր միլիոնավոր երկրպագուներին:

Նրա երկարամյա երաժշտական կարիերան լի է լայնամասշտաբ գործունեությամբ` որպես երգահան, որը նրան մեծ համբավ է բերել:  

Բացի այդ, Ազնավուրը պատրաստվում է համերգային շրջագայություն իրականացնել Իսպանիայում, որի շրջանակում երկու համերգ արդեն նախատեսված է` մայիսի 7-ին՝ Մադրիդում և մայիսի 9-ին՝ Սան Սեբաստիանում: