ՀԱՅՄեդիա.am-ը գրում է. Մամուլում շրջանառվող լուրերի համաձայն՝ առաջիկայում մշակույթի նախարարի փոփոխություն է լինելու: Որպես ամենահավանական թեկնածու՝ նշվում է Արմեն Ամիրյանի անունը: Այս առիթով կայքը կապ է հաստատել մշակույթի գործիչների հետ՝ ներկայացնելու համար նրանց կարծիքն ու գնահատականն Արմեն Ամիրյանի անձի և գործունեության վերաբերյալ:
Կոմպոզիտոր, երգահան և արվեստի վաստակավոր գործիչ Երվանդ Երզնկյանը դրական գնահատական է հնչեցրել.
«Բարձր կարծիք ունեմ նրա մասին: Կարծում եմ, որ եթե երկու-երեք թեկնածու կան, ապա Արմեն Ամիրյանը նրանցից մեկն է, որ կարող է լինել շատ լավ նախարար»:
Երգիչ, երգահան, ՀՀ վաստակավոր արտիստ Դավիթ Ամալյանն Ամիրյանի գործունեությունը բնութագրել է վճռական և մշակութային՝ հավելելով.
«Բախտ ունեմ Արմեն Ամիրյանի հետ մտերիմ լինելու, և նրան՝ անկախ մտերմության հանգամանքից, վստահում եմ և՛ որպես մարդ, և՛ որպես գործիչ: Անկեղծ ասած շատ ուրախ կլինեմ, սակայն մինչև պաշտոնական հայտարարությունը չլինի, դեռևս չեմ շնորհավորի: Սպասենք»:
Առավել մանրամասն՝ սկզբնաղբյուր կայքում
