Life.panorama.am-ը զրուցել է Քարե դարդ»-ի պրոդյուսեր ու գլխավոր դերակատար Վաչե Թովմասյանի հետ՝ սիթքոմի նոր եթերաշրջանի և ԱՄՆ-ում կայանալիք շոու-ներկայացման մասին…
«Մարտի 30-ին եւ 31-ին եթերում կլինի նոր եթերաշրջանի առաջին երկու սերիաները, եւ հաջորդաբար ամեն հինգշաբթի եւ ուրբաթ «Քարե դարդ»-ը կրկին եթերում կլինի: Մենք նկարահանումներն արդեն սկսել ենք, մոտ տասը սերիա նկարահանված է: Որպես պրոդյուսեր՝ ես շատ գոհ եմ ընթացքից եւ այն ընդհանուր պատկերից, որն ունենք այսօր»,- նշել է Վաչեն:
Հարցին, թե երկրպագուներին ի՞նչ է սպասվում նոր եթերաշրջանում, Վաչեն պատմել է.
«Մենք ամեն ինչ արել ենք, որպեսզի այս անգամ եւս արդարացնենք հեռուստադիտողի սպասելիքներն ու լավ արդյունք ունենանք: Գործող ու սիրված դերասանները կշարունակեն ներկայանալ, իսկ ժամաակ առ ժամանակ մեզ կմիանան տարբեր հյուր-դերասաններ, քանի որ մենք նկարահանումներն իրականացնում ենք դասական սիթքոմի ժանրի կանոններով, ինչը ենթարում է, որ ամեն սերրիա պետք է առանձին ասելիք ունենա: Կարծում եմ՝ շատ լավ ու ծիծաղաշարժ սեզոն է սպասվում, քանի որ սցենարի վրա շատ վաղուց ենք սկսել աշխատել»:
Արդյոք ործողությունները կզարգանան միայն քարե դարում, թե՞ կլինեն նաեւ մեր օրերից տեսարաններ, ինչպես նախկինում է եղել, Վաչեն հրաժարվել է մանրամասնել:
Ի դեպ՝ «Քարե դարդ»-ի անձնակազմը մայիսին շոու-ներկայացմամբ հանդես կգա ԱՄՆ-ում.
«Մայիսի 21-ին Միացյալ նահանգներում կկայանա մեր շոու-ներկայացումը: Տոմսերն արդեն վաճառքում են, շուտով գովազդային հոլովակներ էլ կլինեն: Այս ներկայացման սցենարի վրա արդեն մեկ տարի է, ինչ աշխատում ենք, եւ պետք է ասեմ, որ բավականին հետաքրքիր ու ծիծաղաշարժ է ստացվել:
Ամբողջական նյութը՝ սկզբնաղբյուր կայքում