Հայտնի ռոք երաժիշտ, «System of a Down» խմբի մենակատար Սերժ Թանկյանը երաժշտական մրցույթ է հայտարարել: Նա մանրամասները ներկայացրել է սոցիալական ցանցերի իր էջերում: Մրցույթը կոչվում է «7 նոտա»:
«Շատերն ինձ հարցնում են՝ որտեղի՞ց է գալիս երաժշտությունը, որտեղի՞ց են գալիս երգերը: Ես խորապես հավատում եմ, որ դրանք գալիս են կոլեկտիվ գիտակցությունից: Նրանք որևէ արվեստագետի մեջ չեն: Յուրաքանչյուր երգ սկսվում է գաղափարից կամ հնչյունից»,- ասում է Թանգյանը Youtube-ում տեղադրված հոլովակում:
Մարտահրավերն, ըստ երաժշտի շատ պարզ է: «Դուք ունեք 7 նոտա, որոնցից պետք է սկսեք, ուստի ձեր ստեղծագործության առաջին 7 նոտան պետք է լինեն հենց այդ 7 նոտաները: Դուք կարող եք դրանով ջազ կամ ռոք երգ գրել, կամ սիմֆոնիա. ինչ տեսակ երաժշտություն, որ ցանկանաք: Այն չի կարող երեք րոպեից երկար լինել: Մնացածը դուք եք որոշում: Ես Սերժ Թանգյանն եմ և սա իմ մարտահրավերն է՝ ես տալիս եմ ձեզ 7 նոտա, իսկ դուք ինձ տալիս եք ձեր լավագույն ստեղծագործությունը»,- նշել է ռոք երաժիշտը:
«7 նոտա» երաժշտական մարտահրավերի հաղթողին կտրվի 5000 ԱՄՆ դոլար:
