▲ Դեպի վեր

ՎԵՐՋԻՆ ԼՈւՐԵՐԸ

Ունեի առողջական լուրջ խնդիրներ. Մարատ Հայրապետյանն առաջին անգամ խոստովանում է

ԱԱԾ-ից մինչև ՀՔԾ, գաղտնալսումից մինչև Ռոբերտ Քոչարյանի վերադարձ. Հայկ Պետրոսյանը մանրամասնում է

Սերժը կասեր՝ իյա, իրո՞ք. Փաշինյանը՝ արտահերթ ընտրությունները թույլ չտալու մասին

Ոստիկանապետը նվերներով էր եկել կառավարություն

19-ամյա Մարիամ Հովհաննիսյանի արձագանքը` իր և Տիգրան Մնացականյանի բաժանման լուրերին



2018-02-22 11:36:07

«Ես ոչ մի մեկնաբանություն չեմ ցանկանում թողնել: Ձեզ երջանկություն».- այս մասին Asekose.am-ի հետ զրույցում ասաց 19-ամյա Մարիամ Հովհաննիսյանը` անդրադառնալով օրերս համացանցում շրջանառվող այն լուրերին, որ ինքն ու դերասան Տիգրան Մնացականյանը բաժանվել են: Մենք մի քանի անգամ փորձել ենք կապ հաստատել նաև Տիգրան Մնացականյանի հետ, սակայն վերջինիս հեռախոսահամարն  անհասանելի էր:

Նշենք, որ զույգի հարսանիքը նախատեսված էր փետրվարի 14-ին` Մարիամի տարեդարձի օրը, սակայն այն տեղի չունեցավ: Տիգրանն իր ֆեյսբուքյան էջից ջնջեց Մարիամի հետ բոլոր լուսանկարները, իսկ աղջիկը մեկնեց Ռուսաստան: Հատկանշականն այն է, որ Մարիամն իր ֆեյսբուքյան էջից դեռ չի հեռացրել արդեն նախկին սիրելիի հետ լուսանկարները, ավելին` չի փոխել անգամ ֆեյսբուքյան կարգավիճակը, որում նշված է, որ նա ամուսնացած է: Այս ամենը, ինչպես նաև Մարիամի ֆեյսբուքյան էջի  վերջին շրջանի գրառումները վկայում են այն մասին, որ աղջիկը, թերևս, հարաբերությունները վերականգնելու ցանկություն ունի:

Հիշեցնենք, որ Տիգրան Մնացականյան-Մարիամ Հովհաննիսյան զույգի պատմությունը նախորդ տարեվերջի ամենաքննարկված և քննադատված թեմաներից էր: Զույգի միջև 21 տարվա տարիքային տարբերությունն կար, ինչը համացանցային օգտատերերի շրջանում բուռն քննադատությունների ալիք բարձրացրեց: Այդ շրջանում Մարիամն ու Տիգրանն իրենք իսկ «կրակի վրա յուղ էին լցնում»` պարբերաբար հարցազրույցներ տալով և բացահայտելով իրենց` թերևս հայկական իրականությանը խորթ պատմության թաքուն կողմերը:  «Մենք սկսեցինք միասին լինել, երբ ինքը բաժանվեց, սակայն իր սիրահարվածությունը կար դեռ այն ժամանակ, երբ ինքն ու կինը միասին էին: Մեր միջև եղել է սեր և եղել է ժամանակահատված, երբ ինքը պետք է կարողանար բաժանման հարցերը լուծել։ Ես մեղավոր չեմ եղել, իրենք միմյանց չեն հասկացել, Տիգրանը  չի սիրել իր կնոջը»,- հարցազրույցներից մեկի ժամանակ հայտարարել էր Մարիամը, իսկ Տիգրանը, կարծես թե ոչ լիարժեք համարելով սիրելիի հայտարարությունը, իր հերթին անկեղծացել էր. «Ամուսնալուծության պատճառը ես էի, իմ նոր սերը: Շատ եմ ցավեցրել Լիանային»:

Սակայն իրավիճակն ավելի սրվեց, երբ պարզ դարձավ, որ զույգի հարաբարերությունները սկսվել են շատ ավելի վաղ, երբ Մարիամն ընդամենը 15 տարեկան էր:

Ինչևէ, ամեն ինչ պարզից էլ պարզ է, թեև Մարիամը չցանկացավ պատմել, թե իրականում ինչ է տեղի ունեցել: Մեզ մնում է միայն երջանկություն մաղթել Մարիամին: Հուսանք, որ 19-ամյա Մարիամը, ում ամբողջ կյանքը դեռևս առջևում է, մյուս անգամ ճիշտ ընտրություն կանի և իր երջանկությունը կգտնի իրեն համապատասխան մարդու կողքին` չդառնալով ուրիշի դժբախտության պատճառ:

Հեղինակ`Ա. Մաթևոսյան







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.