▲ Դեպի վեր

ՎԵՐՋԻՆ ԼՈւՐԵՐԸ

Կապ չունի՝ ով է իշխանությունը,կբացահայտեմ՝ շահարկվել է Ռիտա Սարգսյանի անունը. Իրինա Հարությունյանը՝ անսպասելի զանգի մասին

Քոչարյանի գործը կրկին վերաքննիչ դատարան ուղարկվեց

Թե ինչպե՞ս էր աշխատում Շիրակի հանրային հեռուստատեսությունը

2 տղամարդ կամ 2 կին գնում են ԶԱԳՍ ու ասում՝ ուզում ենք ամուսնանալ. կա՞ նման հնարավորություն. Փաշինյանի հարցը

Ես չեմ ուզում այս երկրի համար զավակներ ունենալ. Անահիտ Մութաֆյան



2018-03-13 12:37:48
Life.panorama.am-ը գրում է.
Կայքը դերասանուհի Անահիտ Մութաֆյանից հետաքրքրվել է, թե ինչով է պայմանավորված վերջին շրջանի էկրանային լռությունը, ինչպես նաեւ պարզել է, թե ինչ է ինքն իրեն մաղթում կանանց տոների կապակցությամբ: 
«Հիմա զբաղված եմ իմ մշտական աշխատանքով՝ թատրոնով, իմ անդավաճան սիրո կողքին եմ. Գ. Սունդուկյանի անվան ակադեմիական թատրոնը իմ միակ ու անդավաճան սերն է: Այս շրջանում պատրաստվում ենք նոր ներկայացման, խոսքը բոլորի կողմից շատ սիրված «Հարսնացուն հյուսիսից» ֆիլմի ներկայացման մասին է:  Թատերասեր հասարակությունը կտեսնի ֆիլմի ներկայացման տարբերակը: Ասեմ, որ նախկինում Սունդուկյան թատրոնի խաղացանկում եղել է այս ներկայացումը, հիմա կրկին բեմադրվում է, որտեղ մարմնավորում եմ Արտակի հորաքրոջ կերպարը»,- պատմեց դերասանուհին:
 
 Նրա խոսքով՝ մայր թատրոնը հիմա նոր թափ է առել, որը ուրախալի է եւ դերասանների, եւ թատերասեր հանդիսատեսի համար: 
«Մենք ունենք հրաշալի երիտասարդ տնօրեն՝ Վարդան Մկրտչյանը, ով եկել է, որպեսզի գործ անի, ոտքի հանի թատրոնը: Նույնը կասեմ նաեւ գեղարվեստական ղեկավար Արմեն Էլբակյանի մասին, նրանք երկուսով ցանկանում են թատրոնը, այսպես ասած, գծի վրա գցել, որպեսզի այն լինի առաջնային թատրոն, լավ թատրոն, մայր թատրոն»,- հավելեց Անահիտը: 
Հարցին, թե ինչո՞վ է պայմանավորված ներկայում էկրանային լռությունը, դերասանուհին ասաց, որ նա այն դերասանների տեսակին է պատկանում, որ չեն սիրում հոգնեցնել հեռուստադիտողին իրենց ներկայությամբ: 
 
«Հեռուստատեսային նախագծերի առաջարկները չեն պակասել, կան, ուղղակի հիմա ընտրություն կատարելու հնարավորություն ունեմ եւ սպասում եմ մի կերպարի, որն ավելի հոգեհարազատ կլինի, սպասում եմ նաեւ մի խմբի առաջարկի, որի հետ կցանկանամ աշխատել: Ես մի քիչ տրամադրության մարդ եմ եւ ընտրում ու կարեւորում եմ նաեւ թիմային աշխատանքը: Բացի այդ, կարեւորում եմ նաեւ առաջարկվող նախագծում իմ կերպարի բնույթը, այն պետք է հոգեհարազատ լինի ինձ: Ոչ մեկի համար գաղտնիք չէ, որ սերիալը դերասանի համար գումար աշխատելու հնարավորություն է, բայց ես չեմ ընկնում գումարի հետեւից: Իմ կերպարը պետք է հոգեհարազատ լինի ինձ, սցենարը պետք է գրագետ գրված լինի, որպեսզի ես տամ իմ համաձայնությունը, նաեւ միշտ ցանկանում եմ ունենալ խաղընկերներ, որոնցից կսովորեմ ինչ-որ նոր բան»,- ասաց նա: 
Հետաքրքրվելով, թե ի՞նչ կերպարով կցանկանար հանդես գալ, նշեց.
«Սերիալային գործունեությանս ընթացքում միշտ մարմնավորել եմ բնիկ հայուհիների՝ հեզ, համեստ, խելոք, բայց հիմա կուզեի խաղալ մի ճակատագրական կին, որը եւ իր ճակատագրի տերը կլիներ, եւ կորոշեր ուրիշներինը»:
Անահիտ Մութաֆյանն ընդգծեց, որ աշխատանքի մեջ գումարը իր համար երջանկություն չէ.
Ինչ վերաբերում է անձնական կյանքին, ապա, նրա խոսքով, ոչ մի բան չկա ասելու: «Վերջերս, որ հարցնում են, թե ի՞նչ կա անձնական կյանքում, ասում եմ այդ ի՞նչ է, ուտելո՞ւ բան է, թե՞ խմելու: Այսինքն՝ անձնական կյանքում ունայնություն է, այդ փոսը լցնում եմ երազներով»,- հավելեց նա:
 
Կանանց մեկամսյանի շրջանակում հարցին, թե ինչ է իրեն պետք որպես կին երջանիկ զգալու համար, դերասանուհին ասաց, որ որպես կին իրեն պետք է ապրել մի երկրում, որտեղ մեծ ցանկություն կլինի երեխաներ ունենալու եւ այդ երկրում դաստիարակելու: 
«Երեխա ունենալու ցանկությունը մի պահ առաջացավ ինձ մոտ, հույս եղավ, որ մեր երկրում փոփոխություններ կլինեն, բայց վերջին մի քանի օրվա ընթացքում եկա այն եզրահանգման, որ ես չեմ ուզում այս երկրի համար զավակներ ունենալ: Իսկ բոլոր կանանց մաղթում եմ սիրված լինել, որովհետեւ կինը ծնվել է սիրելու եւ սիրվելու համար, մնացյալը երկրորդական եւ երրրոդական են»,- եզրափակեց նա:
Նյութն ամբողջությամբ՝ սկզբնաղբյուր կայքում






Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.