Արամ MP3-ն անդրադարձել է «Լավ երեկոյի» վերջին եթերի շուրջ բարձրացած աղմուկին: Նա ֆեյսբուքյան իր էջում մասնավորապես գրել է.
«Ժողովուրդ ջան, անկեղծ նման մեծ աղմուկ չէի սպասում հանրությունից ու ԶԼՄ-ներից՝ մեր վերջին եթերի կապակցությամբ: Ուզում եմ հստակ պատասխանել ինձ ուղղվող հարցերին. մեր բոլոր հյուրերին մենք նախօրոք տրամադրում ենք այն հարցերը, որոնք հնչելու են հաղորդման ընթացքում, սակայն մոնտաժի իրավունքը պատկանում է հաղորդման ստեղծագործական թիմին միայն և է, քանի որ հաղորդման իմպրովիզացիոն բնույթն ու սպոնտանությունը հենց հաղորդման հանգույցն են ու հաջողության գրավականը: Մենք մեծապես հարգում ենք բացառապես մեր բոլոր հյուրերին՝ անկախ հաղորդման հումորային ձևաչափից: Մեզնից որևէ մեկը եթերում միտում չի ունեցել երբևէ որևէ մեկին նեղացնելու: Եթե ստեղծվել է նման թյուր կարծիք կամ մեր հաղորդումը դիտարկվել է այդպես, ապա վստահ եմ, որ գոնե այս տողերից հետո մարդիկ կհասկանան՝ դա այդպես չէ:
Հուսանք՝ ըմբռնումով ու ներողամտորեն կմոտենաք: Մենք սիրում ենք մեր հանդիսատեսին ու պատրաստում ենք հաղորդում Ձեր ժամանցը հետաքրքիր դարձնելու համար:
Ուզում եմ վստահեցնել, որ թե՛ վերջին հաղորդման ընթացքում և թե՛ նախորդ հաղորդումներում, ես և հաղորդման ստեղծագործական կազմը միտում չենք ունեցել վիրավորելու որևէ մեկին»։
Հիշեցնենք, որ «Միսս Արմենիա 2017» Լիլի Սարգսյանն ասել էր, որ ինքը հումորով է վերաբերում հաղորդմանը, սակայն իր հետ ազնիվ չեն եղել, իրեն խոստացել էին մոտնաժել խոսքը։
