Նազենի Հովհաննիսյանին հայհոյած տղամարդն անձամբ գնացել և ներողություն է խնդրել նրանից: Այս մասին «Ֆեյսբուք»-ի իր էջում գրառում է կատարել Նազենի Հովհաննիսյանը:
«Նախ, խորին շնորհակալությունս բոլորին՝ անտարբեր չլինելու և օգնություն առաջարկելու համար։ «Արմենիա» հեռուստաընկերության մեր աշխատակիցներին ու անվտանգությանը՝ առանձնահատուկ շնորհակալություն։ Արդարության համար պիտի նշեմ, որ հայհոյող տղան եկավ հեռուստաընկերություն, ներողություն խնդրեց՝ պատճառաբանելով,որ շատ խմած է եղել ու չի գիտակցել արարքը։ Ուրախ եմ, որ արիություն է ունեցել սխալն ու գռեհիկ արարքը հրապարակավ ընդունելու և ներողություն խնդրելու։ Վստահ եմ, որ այս եղելության հրապարակայնացումը գոնե մի քիչ կփոխի մեր հասարակության մեջ արմատացած վատ սովորություններն ու ավելի քաղաքակիրթ դաշտ կբերի բոլորիս»,- գրել է դերասանուհին:
Հիշեցնենք, որ երեկ Նազենի Հովհաննիսյանի հետ տհաճ միջադեպ էր տեղի ունեցել. անծանոթ տղամարդիկ ծննդատան դիմաց հայհոյել էին դերասանուհուն:
Կարդացեք նաև` «Հետևիցս լսեցի ահավոր հայհոյանք` «գայիր մի հատ նկարվեինք, այ քո մ...ք…..». Նազենի Հովհաննիսյանը զայրացած է
