▲ Դեպի վեր

ՎԵՐՋԻՆ ԼՈւՐԵՐԸ

Սպիտակներից մինչև սևեր, բաց դռներից մինչև փակ թեմաներ

Ո՞ր մարզաձևում են լավագույնը դրսևորում հայերը. Հարցում Երևանում

Քվեարկեցի. մեկնում եմ Նյու Յորք. Նիկոլ Փաշինյան

Մտածում ես՝ վախ մամա ջան, այդ ինչպես ենք դրա միջով անցել, հարազատներին կորցնելու վախ կար. Թամարա Պետրոսյան

ՀՀ բասկետբոլի հավաքականի առաջատարը ոչ մարզական պահվածքի համար հեռացվել է թիմից



2017-11-21 17:51:52

Հայաստանի բասկետբոլի ազգային հավաքականի առաջատար Ռայան Բոթրայթը հեռացվել է ազգային հավաքականից: Այս մասին այսօր լրագրողների հետ հանդիպման ժամանակ հայտնեցին ՀՀ բասկետբոլի ֆեդերացիայի փոխնախագահ Արա Պողոսյանը եւ հավաքականի գլխավոր մարզիչ Նիկշա Բավցեւիչը: Նրանք նշեցին, որ Ստամբուլի «Բեշիկթաշի» խաղացողի վերաբերյալ նման որոշում են կայացրել, քանի որ ոչ պատշաճ վերաբերմունք ունի հավաքականի նկատմամբ:

«Կան բաներ, որոնք մենք՝ ֆեդերացիան եւ ես որպես մարզիչ, չենք կարող կուլ տալ: Սա անհատական սպորտ չէ, թիմային է, եւ մենք պետք է մտածենք ապագայի մասին: Թեեւ բասկետբոլային փոքր երկիր ենք, բայց 1-ին բանը, որ պետք է անենք, բասկետբոլի ազգային հավաքականի շահերը պաշտպանելն է, եւ չենք կարող որեւէ մեկին թույլ տալ ինչ-որ բան վեր դասել ազգային հավաքականի շահերից»,- ասաց Բավցեւիչը:

Բոթրայթի հեռացումը նշանակում է, որ ՀՀ հավաքականը Եվրոպայի առաջնության ընտրական փուլի Ալբանիայի եւ Դանիայի դեմ հանդիպումներում հանդես կգա առանց ընդգծված առաջատարի: Բավցեւիչը վստահ է, որ թիմի մյուս անդամները կկարողանան լրացնել բացը:

«Այո՛, Բոթրայթը շատ կարեւոր խաղացող է, բայց նա ամենակարեւորը չէ, ամենակարեւորը թիմն է, եւ մենք կփորձենք այնպես անել, որ թիմը չզգա նրա բացակայությունը»,- ասաց մասնագետը:

Ինչ վերաբերում է Եվրոպայի առաջնության ընտրական փուլում Հայաստանի հավաքականի շանսերին, ապա մարզիչը փորձում է իրատես լինել: Գիտակցում է, որ առկա խնդիրներով եւ նորաստեղծ հավաքականով լուրջ հաջողությունների մասին մտածելը դեռ վաղ է: Ժամանակ է պետք:  

«Այս իրավիճակում մեր շանսերը, իհարկե, ցածր են: Ոչ ոք ինձ վրա ճնշում չի գործադրում, եւ ես էլ խաղացողներիս վրա ճնշում չեմ գործադրում: Միակ ճնշումն այն է, որ մենք անենք մեր առավելագույնը: Մենք կազմավորման փուլում ենք, 2 տարի առաջ այս թիմը չկար»,- ասաց նա՝ ավելացնելով, որ վստահ է, որ եթե իրենց հնարավորությունների սահմաններում լավագույնն անեն, երկրպագուները գոհ կլինեն:

Ընտրական փուլի հանդիպումների մասին խոսեց նաեւ թիմի ավագ Ամիրան Ամիրխանովը: Նա, ինչպես մարզիչը, վստահ է, որ առանց Բոթրայթի խաղալը չի ազդի թիմի վրա: Բացի Բոթրայթից կան նաեւ այլ բացականեր. ոմանք վնասվածքներ ունեն, ոմանք էլ հանդիպումներ իրենց ակումբների կազմերում, սակայն Ամիրխանովն ընդգծում է, որ սա նորեկները կօգտագործեն որպես իրենց դրսեւորելու հնարավորություն:

«Մեզ միացել է 8 երիտասարդ խաղացող: Ինչպես ասացին, Բոթրայթը չի խաղա, Լուկաս Ֆիշերն էլ մատն է կոտրել: Այս պահին թիմը խաղում է նույն կոմբինացիայով, նոր բաներ չենք մտածել, պատրաստվել ենք, լավ մարզավիճակում ենք եւ հոգեպես էլ լավ վիճակում ենք: Կարծում ենք՝ եթե համախմբվենք, Ալբանիային հաղթելու բոլոր հնարավորություններն ունենք: Յուրաքանչյուր երիտասարդ խաղացող ցանկանում է ապացուցել, որ կարող է խաղալ ու փոխարինել այնպիսի խաղացողների, ինչպիսիք են Բոթրայթն ու Ֆիշերը»,- ասաց նա՝ ավելացնելով, որ առաջիկա հանդիպումներին դրական է տրամադրված:

Հայաստանի հավաքականը Եվրոպայի առաջնության ընտրական փուլի խաղերին նախապատրաստվում է նոյեմբերի 18-ից: Նոյեմբերի 23-ին հյուրընկալվելու է Ալբանիայի, իսկ 26-ին ընդունելու է՝ Դանիային:







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.