Ոչ բոլոր կանայք ու աղջիկներն են բողոքում ավելնորդ քաշից, կան աղջիկներ ու կանայք, որոնց համար խնդիրը ոչ թե ավել քաշն է, այլ քաշի պակասը: Նիհար լինելը որոշակի փուլում արդեն տգեղ է, մանավանդ, երբ հասնում է դիստրոֆիայի աստիճանի: Չափից ավելի նիհար կինը կամ տղամարդը համարվում են արդեն բժկության ուսումնասիրության օբյեկտ: Այդ հիվանդությունը կոչվում է անորեկսիա և ազդում է ոչ միայն արտաքին տեսքի, այլ նաև ներքին օրգանների աշխատանքի վրա: Այս դեպքում տեսքն ու կազմվածքը դժվար է անվանել գեղեցիկ: Եթե անորեկսիայի դեպքում կինը կամ տղամարդը ստիպված են դիմել բժշկի ու լուրջ բուժում ստանալ, ապա դա պարտադիր չէ, այն դեպքում, երբ ուղղակի ուզում եք ՛՛լցվել՛՛:
Ինչպես է ցածր քաշը ազդում առողջության վրա
Ցածր քաշի դեպքում ճնշումը ընկնում է, ավելի շուտ եք հոգնում: Ցանկացած ծանր աշխատանք արդեն ուժերից վեր է, նույնիսկ մտավոր աշխատանքը: Ցածր քաշի դեպքում կանանց մոտ խախտվում է մենստրուալ ցիկլը և չի բացառվում, որ դա հանգեցնի բեղմնավորման կարողության խանգարմանը: Միջին ու բարձր հասակի կանանց մոտ, որոնc քաշը 45-47 կգ ազդում է ձվարանների զարգացման վրա:
Բացի այդ, եթե կենսակերպն ու սննդակարգը կտրուկ փոփոխությունների չի ենթարկվել, սակայն քաշը կտրուկ նվազում է, դա խոսում է ձեր օրգանիզմում որևէ հիվանդության առկայության մասին: Պարտադիր հարկավոր է դիմել թերապևտի, էնդոկրինոլոգի և մանրակրկիտ հետազոտման ենթարկվել: Հաճախ դա նշանակում է, որ խնդիրներ կան մարսողական, էնդոկրեն համակարգի հետ: Քաշի կտրուկ նվազման պատճառ կարող են լինել ուռուցքային գոյացությունները: Այդ պատճառով պետք չէ շատ ուրախանալ նիհարությունից, ավելի լավ է ՛՛լցվել՛՛ մի քանի կիլոգրամ և վերականգնել այն քաշը, որն ունեյիք /եթե իհարկե դուք չափից ավելի գեր չէիք/:
Ինչ ու ինչպես ուտել քաշ հավաքելու համար
Որպեսզի անհրաժեշտ կիլոգրամներ հավաքեք, հարկավոր է խթանել ախորժակը: Եթե դուք ստիպեք ձեզ ուտել, ապա այն անհրաժեշտ արդյունք չի տալու: Բացի այդ հարկավոր է վերանայել ձեր օրվա սննդակարգը, այնտեղ ավելացնել կալորիական սննդատեսակները, միաժամանկ չփոխելով այն քանակը, որը ուտում էիք մինչև այդ:
Այս դիետայի միակ առավելությունը այն է, որ այլևս ստիպված չեք լինելու սահմանափակվել սննդի ընտրության հարցում: Կարողեք ուտել չափավոր յուղոտ ուտելիքներ, հացաբուլկեղեն ու քաղցրեղեն: Սակայն այս ամենը պետք է հավասարաչափ բաշխվի սննդակարգում: Պետք է ուտել հաճախակի՝ օրը 5-6 անգամ ու պահել որոշակի պարբերականություն: Ամեն անգամ պետք է ուտել քիչ քանակությամբ, բայց կալորիաներով հարուստ սնունդ: Յուրաքանչյուր ուտելուց առաջ ցանկալի է, որ խմեք որևէ բնական հյութ, օրինակ` մրգերից կամ բանջարեղենից պատրաստված: Այն խթանում է ձեր ախորժակը և ստամոքսը սկսում է մարսողության համար անհրաժեշտ ստամոքսահյութ արտադրել: Այս դիետայի ընթացքում սոված լինելն արգելված է, հակառակ դեպքում ձեր ջանքերը ջուրը կգնան: Երբ սոված եք օրգանիզմը օգտագործում է այն ճարպերն ու կալորիաները, որոնք մինչև այդ ընդունելեիք, իսկ դա հենց այն է, ինչ պետք է ավելացնի ձեր քաշը:
Ինչ մթերքներ ուտել
Դիետայի ընթացքում շեշտը դրեք ածխաջրով ու սպիտակուցներով հարուստ սնունդների վրա: Սպիտակուցների դեպքում ցանկալի է, որ դրանք լինեն բնական սպիտակուցներ. Ցանկալի է ուտել , ձուկ, միս, հավի միս ու հավկիթ: Թռչունների միսը հատկապես օգտակար է: Այն հեշտ է մարսվում և օգնում է մկանային ծավալի ավելացմանը: Մյուս սննդատեսակը կաթնամթերքն է . հարկավոր է ուտել կաթնաշոռ, կարագ, խմել կաթ բարձր յուղայնությամբ:
Կան նաև հատուկ կոկտելներ. 200 գրամ կաթնաշոռը կարող եք խառնել մեկ մեծ գդալ մեղրի և որևէ մրգի հետ, խառնել այն բլյոնդերի միջոցով ու խմել:
Ածխաջրերով հարուստ սննդից կարող եք հանգիստ ուտել բուլկիներ, հաց, պաստաներ, կարտոֆիլ, քաղցրեղենից` շոկոլադ և կոնֆետներ: Հարկավոր է օրը նվազագույնը 2 լիտր ջուր խմել: Կարող եք խմել նաև թեյ, կաթով սուրճ, կակաո, կաթով ու մեղրով թեյ:
