«Ոչ թալանին» համակարգող խմբի անդամ Մաքսիմ Սարգսյանը այսօր՝ լրագրողների հետ հանդիպման ժամանակ ապատեղեկատվություն համարեց այն, թե իրեն և Վաղինակ Շուշանյանին վախեցրել են, որ հետ կանգնեն շարժումից. «Մտնելով պայքարի մեջ՝ շատ լավ գիտակցել եմ ռիսկերը, և, եթե ես վախեցող մարդ լինեի, չէի մտնի պայքարի մեջ: Ես չեմ անում ինչ-որ բան, որից պետք է վախենամ: Ես պայքարում եմ էլեկտրաէներգիայի թանկացման դեմ ու այստեղ վախենալու որևէ բան չեմ տեսնում»,-ասաց նա:
Նախաձեռնության մեկ այլ անդամ՝ Սոֆյա Հովսեփյանն էլ հավելեց.
«Ոչ թե Մաքսիմն ու Վաղինակը վախենալու բան ունեն, այլև մեր ոստիկանությունը, որն ապօրինի գործողություններ կատարեց հունիսի 23-ին: Մենք ամեն ինչ իրականացրել ենք օրենքի շրջանակում»:
Նշենք, որ Վաղինակ Շուշանյանին, մամուլի սրահում էր և քիչ հեռվում կանգնած հետեւում էր ասուլիսին: Ընկերների խոսքով՝ այս օրերին բոլոր հարցերը հիմնականում ուղղվում էին Վաղինակ Շուշանյանին, ուստի հիմա փորձում են չծանրաբեռնել նրան:
Անի Կարապետյան
