armtimes.com-ը գրում է. «Երևանի Արարատ կոնյակի-գինու-օղու կոմբինատ» ընկերության Ամասիայի մթերման կետ տանող ճանապարհին խաղողի բերքով բեռնված խոշոր մեքենաների մի քանի հարյուր մետր երկարությամբ հերթ է:

Իմանալով, որ գյուղացիները դժգոհություններ ունեն, Գագիկ Ծառուկյանը այսօր այցելել էր Ամասիա: «Ես ձեր բոլորի մասին մտածում եմ: Ուղղակի դուք էսօր պիտի հասկանաք, ամեն մեկդ ձեր անձնական հարցը բրթելով... 45 հազար տոննա  արդեն ընդունել եմ: Ո՞րտեղ լցնեմ: Տեղ չկա: Դու ինձ մի հատ բացատրի, հասկանամ»,-ասաց Ծառուկյանը: «Պարոն Ծառուկյան, մենք ի՞նչ անենք»,-համառեց գյուղացին:

«Մենակ Ծառուկյանն ա՞ էս երկրում, եղբայր: Չհասկացա, կարողա՞ քաքն եմ ընկել ձեր ձեռը: Էդ ի՞նչ մոտեցում ա: Ընկեր ջան, ես խտրականություն չեմ դնում: Ցավդ տանեմ, ես իմանալով ձեր վիճակը, նայելով ձեր ձեռքին, ձեր դեմքին, որպես մարդ ինձ նեղություն եմ տալիս, եղբայր ջան, որ ձեր հոգսը թեթեւացնեմ: Մենակ Ծառուկյանը չի էս երկրում, ցավդ տանեմ: Ինձ պետք չի, բայց ես քայլ եմ կատարել, որ դուք ոչ նեղվեք, ոչ ընկճվեք: Բայց ըտենց չի, չէ՞, եղբայր ջան: Դուք ամեն մեկդ ուզում եք՝ որ մենակ ձեր բերքը տանեն: Եթե ես բոլորի մասին եմ մտածում, ուրեմն բոլորդ էլ պետք է ասեք՝ էս մարդին հալալ ա»:

«Հալալ ա, հալալ ա, հալալ ա, պարոն Ծառուկյան»,-միաբերան գոչեցին գյուղացիները, բացի Ծառուկյանին դիմած նույն խաղողագործից: «Գոնե իմ վարկերի չափով ընդառաջեք ընձի, պարոն Ծառուկյան»,-իրենը պնդեց ֆերմերը: «Այ տղա, ես էլ վարկ ունեմ, իմ վարկն ո՞վ ա ընդառաջում: Ասել ե՞մ 45 հազար տոննա, ձեր ցավը տանեմ, 45 հազար տոննան մի հատի պես ընդունում եմ, որ գոնե կարողանամ ձեր հոգսը թեթեւացնեմ»,-չզիջեց Ծառուկյանը: Նա խնդրեց հերթով բերել, մեքենաների հերթ չկանգնեցնել, որ բերքը մեքենաներում չփչանա:

Մանրամասները՝ սկզբնաղբյուր կայքում