Մայրաքաղաքի Նոր Նորք վարչական շրջանում կայացել է սեմինար-քննարկում` «Հայը և իր երգը» թեմայով: Միջոցառմանը մասնակցել են Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի, Մայր Աթոռ Սուրբ Էջմիածնի ՔԴԿ ներկայացուցիչները, Նոր Նորքի Սուրբ Աստվածածին եկեղեցու հոգևոր հովիվ Տեր Նշան քահանա Ալավերդյանը: Սեմիանար-քննարկմանը ներկայացվել է Հայ Առաքելական Եկեղեցու հինգ տաղավար տոների խորհուրդը, կարևորվել է տոներին նվիրված միջոցառումների կազմակերպման ընթացքում մշակված ճիշտ սցենարն ու մատուցումը, ինչպես նաև երգերի ընտրությունը:
Ներկաներին Մայր Աթոռ Սուրբ Էջմիածնի Քրիստոնեական դաստիարակության կենտրոնի կողմից բաժանվել է նախադպրոցական և կրտսեր դպրոցական տարիքի երեխաների համար նախատեսված «Հայը և իր երգը» մանկական երգարանը, որը ներառում է եկեղեցական-ազգային տոներին, սրբերին և բարեպաշտական սովորություններին, պատմական դրվագներին նվիրված 42 երգ:
Երևանի քաղաքապետարանի տեղեկատվության
և հասարակայնության հետ կապերի վարչություն
