ՑԱՅԳ-ը գրում է.Տիգրան Աբգարյանի անունով դասարան է բացվել Գյումրու թիվ մեկ արհեստագործական ուսումնարանում: Ապրիլյան քառօրյա պատերազմում նահատակված Տիգրան Աբգարյանն ուսումնարան ընդունվել է 2011 թվականին: Միշտ աչքի է ընկել բարձր առաջադիմությամբ:
Ուսանել է խոհարարական բաժնում: 2015-ին զորակոչվել է բանակ ու հերոսաբար ընկել ապրիլի 3-ին ԼՂՀ ՊԲ հարավային ուղղությամբ տեղակայված զորամասի պաշտպանության տեղամասում: Տիգրանը թշնամու մի քանի տանկ է խոցել ու կասեցրել հակառակորդի առաջխաղացումը:
Սակայն, հերոսությունը նրա համար կյանք է արժեցել: Արհեստագործական ուսումնարանի սաներն ու աշխատակիցները գնահատում են Տիգրանի հայրենանվեր գործն ու խոստանում միշտ վառ պահել նրա հիշատակը, նույն ավյունով պաշտպանել հայրենիքը: Որպես երախտիք արհետագործական ուսումնարանի տնօրեն Գրիգոր Մկրտչյանը Տիգրանի մայրիկին աշխատանք է առաջարկել ուսումնարանում: