Ռիոյի Օլիմպիական խաղերի հունահռոմեական ըմբշամարտի 66 կգ քաշայինների փոխչեմպիոնի տիտղոսը նվաճած Միհրան Հարությունյանը հայտարարել է, որ ոմանք իրեն թույլ չեն տալիս դառնալ չեմպիոն:

«Ես չեմ պարտվել: Առաջին անգամ կյանքում չեմ ամաչում դա ասել: Եվրոպական խաղերում, աշխարհի առաջնությունում, այս Օլիմպիական խաղերում նրանք ինձ պարզապես թույլ չեն տալիս բարձրանալ առաջին տեղ, որը ես վաստակել եմ: Եթե ես պարտվեմ՝ այո, ես կընդունեմ, բայց երբ հաղթում եմ՝ նրանք ինձ պետք է տան հնարավորություն կանգնել առաջին տեղը: Ես հիասթափված եմ եւ ոչինչ չեմ ցանկանում ավելին ասել:Ես հաղթում էի 1:0 հաշվով, աշխատում է ակտիվ, առաջին համարով ամբողջ գոտեմարտի ընթացքում: Իսկ ինձ նստեցնում էին պարտեր, ինչ-որ նկատողություն տվեցին: Ես չգիտեմ: Ներողություն, բայց այլեւս ոչինչ չեմ ցանկանում մեկնաբանել»,- Միհրան Հարությունյանի խոսքը մեջբերում է rsport-ը:

Հիշեցնենք, որ Ռիո դե Ժանեյրոյում ամառային Օլիմպիական խաղերի հունահռոմեական ոճի ըմբշամարտի մրցաշարի 66 կգ քաշային կարգի մարզիկների գոտեմարտի ժամանակ Միհրան Հարությունյանը, մրցելով սերբիացի Դավոր Շտեֆանեկի հետ, կողմնակալ մրցավարության պատճառով ցավալի պարտություն կրեց` դառնալով արծաթե մեդալակիր:

Նշենք նաև, որ հանրագիր-պահանջների միջազգային change.org կայքում բացվել է Միջազգային օլիմպիական կոմիտեին (ՄՕԿ), Ըմբշամարտի միջազգային ֆեդերացիային եւ ՄՕԿ-ի նախագահ Թոմաս Բախին հասցեագրված հանրագիր Միհրան Հարությունյանի նկատմամբ արդարությունը վերականգնելու պահանջով, որին կարելի է միանալ հետեւյալ հղումով change.org:

Կարդացեք նաև` Քանի ես կամ, դու չես հաղթելու. մաֆիան՝ ընդդեմ Միհրան Հարությունյանի

Ի սրտե շնորհավորում եմ Միհրան Հարությունյանին. Միխայիլ Մամիաշվիլին չի խանգարել հայ մարզիկին