Աշխարհահռչակ շանսոնյե Շառլ Ազնավուրն իր անունով աստղ կունենա Հոլիվուդի փառքի ծառուղիում։ Այս մասին տեղեկացնում է Asbarez.com-ը։ Աստղի բացման հանդիսավոր արարողությունը տեղի կունենա հինգշաբթի՝ հոկտեմբերի 27-ին, ժամը 11-ին։ Քալիֆորնիա նահանգի սենատի պատգամավոր Քեւին դե Լեոնը նույնպես ներկա կլինի այս նշանակալից իրադարձությանը։
Տաղանդավոր երաժշտի աստղը կտեղադրվի «Pantages» թատերասարհի դիմաց, որտեղ հոկտեմբերի 28-ին նախատեսված է 92-ամյա երգչի համերգը։