Ուկրաինայի պետական միգրացիոն ծառայությունը հաստատել է տեղեկությունը Միխեիլ Սաակաշվիլիին երկրի քաղաքացիությունից զրկելու մասին։ Նա հանդիսանում է Վրաստանի նախկին նախագահն ու Օդեսայի մարզի նախկին նահանգապետը։ Այս մասին հայտնում է ТСН-ը։
Պատճառն այն է, որ Սաակաշվիլին դիմումի մեջ նշել է կեղծ տվյալներ, թե ինչպիսիք, չի հստակեցվում։
Ավելի վաղ Արմատական կուսակցությունից պատգամավոր Իգոր Մոսիյչուկը, հղում անելով աղբյուրներին, հայտնել էր, որ Սաակաշվիլիին զրկել են Ուկրաինայի քաղաքացիությունից։
Սահակաշվիլին հանդես է եկել պատասխան տեսագրությամբ:
«Ես սովորական ուկրաինացի եմ: Այժմ իշխանությունները ինձ հետ վարվում են այնպես, ինչպես վարվում են սովորական քաղաքացիների հետ՝ անտեսելով նրանց իրավունքները; Ես ապրում եմ Ուկրաինայում ավելի քան 13 տարի, մասնակցել եմ երեք հեղափոխությունների: Ես մի քաղաքացիություն ունեմ՝ ուկրաինական, եւ ես չեմ զրկվելու դրանից: Այլ տեղ չեմ պատրաստվում մնալ եւ չեմ փոխելու կարգավիճակս: Ես պայքարելու եմ իմ օրինական իրավունքի համար»:
Նա հայտարարել է նաեւ, որ նախագահ Պորոշենկոն թքած ունի Սահմանադրության վրա: