Լեհաստանի մայրաքաղաք Վարշավայում հոկտեմբերի 15-ին հայ տղամարդ է սպանվել։ Այս մասին հայտնում է Associated Press-ը: Նշվում է, որ տղամարդուն մահացու վիրավորել են այն ժամանակ, երբ նա մեքենա նստելիս է եղել:
Դատախազության մամուլի քարտուղար հայտնել է, որ սպանվածը ոստիկանությանը ծանոթ անձնավորություն է եղել: Մեքենայի վարորդը նույնպես ձեռքից վիրավորվել է։
Ոստիկանությունը հետախուզում է մարդասպանին և հարցաքննում է վկաներին։ Մարդասպանին ցմահ ազատազրկում է սպառնում։