Վաղը մեր հարևան երկրում՝ Իրանում, կնշեն Ամանորը: Ինչպես այս, այնպես էլ անցած տարիներն տոնական այս օրերին նրանցից շատերը նախընտրում են գալ Հայաստան: Այդպես է վարվել նաև տիկին Հալեն, բայց մեկ տարբերությամբ՝ այլևս չի հեռացել մեր երկրից:
«1.5 տարի առաջ եմ եկել Հայաստան: Սիրեցի մշակույթը, ավանդույթները և որոշեցի՝ երեխաներս պետք է այստեղ ապրեն, կրթություն ստանան»,-լրագրողների հետ հանդիպման ժամանակ ասաց նա:
Ինչ վերաբերում է տոնին՝ նշեց, որ սեղան են գցում, որը երկու շաբաթ մնում է: Անպայման 7 «Ս» տառով սկսվող աղանդ են դնում: Սեղանին լինում է նաև Սուրբ գիրքն ու հայտնի բանաստեղծ Հաֆեզի գիրքը: Բացում են պատահական էջեր ու տեսնում են, թե այս տարի իրենց ի՞նչ է սպասվում:
Նովրուզը (պարսկերենից թարգմանաբար նշանակում է նոր օր) աշխարհի ամենահին տոներից մեկն է, որի մասին հիշատակություններ կան թե՛ հին իրանցիների Սուրբ գիրք Ավեստայում և թե անտիկ հեղինակների երկերում:
Շատ երկրներում՝ Աֆղանստանում, Ադրբեջանում, Ղազախստանում, Ղրղզստանում, Թուրքիայում, Ուզբեկստանում, Տաջիկստանում Նովրուզը պետական տոն է:
Անի Կարապետյան