System of a Down խմբի առաջնորդ Սերժ Թանկյանը կարծում է, որ Սերժ Սարգսյանի հրաժարականից հետո պետք է շարունակել ճնշումը իշխանության նկատմամբ,-այդ մասին նա հայտնել էր «» լրատվամիջոցին տրված հարցազրույցի ժամանակ:
«Ես պարզապես հրճվում էի: Ես այնպիսի թեթևություն զգացի, որ այլևս չկար ձերբակալություն ու արյունահեղություն, և ամեն ինչ խաղաղ անցավ: Մարդիկ պետք է շարունակեն, պետք է բարեփոխումներ լինեն: Բարեփոխումների փաթեթը, որը ներկայացվելու է գործող վարչապետին, որպեսզի նա անմիջապես մեկնարկ տա այս գործընթացին: Պետք է անհապաղ բաց թողնել բոլորին, ովքեր բերման են ենթարկվել բողոքների ժամանակ, ինչպես նաև՝ բոլոր քաղբանտարկյալներին: Արժե սկսել մտածել նոր խորհրդարանական ընտրությունների մասին: Նախորդ ընտրությունները մինչև վերջ թափանցիկ չէին: Ուստի սա երկար գործընթաց է: Պետք է շարունակել ճնշումը՝ մինչև մարդիկ համոզված չլինեն, որ իրենց բոլոր պահանջները կատարվել են», – ասել է Թանկյանը: