Ազգությամբ հայերը ՀՀ քաղաքացիության համար դիմելիս ունեն արտոնություն: Այս մասին ֆեյսբուքյան իր էջում գրել է ՀՀ ոստիկանության անձնագրային եւ վիզաների վարչության պետ, ոստիկանության գնդապետ Մնացական Բիչախչյանը։
«ՀՀ քաղաքացիության մասին» ՀՀ օրենքով ՀՀ քաղաքացիություն ստանալու դիմում ներկայացնելու պարտադիր պայմաններից է.
1. օրինական կարգով վերջին երեք տարին ՀՀ-ում մշտապես բնակվելը,
2.հայերեն լեզվով բացատրվելու կարողությունը,
3. ՀՀ Սահմանադրությանը ծանոթ լինելը:
ՀՀ քաղաքացիության դիմում ներկայացնելու համար ազգությամբ հայերի վրա վերը նշված պայմանները չեն տարածվում:
Նրանք կարող են դիմել օտարերկրյա պետությունում գտնվելու դեպքում՝ ՀՀ դիվանագիտական ծառայություն, Հայաստանում գտնվելու դեպքում՝ անձնագրային եւ վիզաների վարչություն:
Ի դեպ, չեն հանձնելու հայերենի եւ ՀՀ Սահմանադրության իմացության թեստ»,-գրել է նա:
