Սեպտեմբերի 2-ին ֆեյսբուքյան ուղիղ եթերում վարչապետ Նիկոլ Փաշինյանը հայտարարեց.
««Սանիթեք» ընկերությունն այսօր ակնհայտորեն ձախողում է աղբահանության գործընթացը:
Սա շատ կարևոր հարց է, սա կապված է քաղաքային տնտեսության հետ, սակայն կառավարության ներկայացուցիչները, տարածքային կառավարման նախարարությունն անընդհատ այս հարցով զբաղվում են: Դուք գիտեք, որ աղբահանման համակարգը, ըստ էության վստահվել է, «Սանիթեք» ընկերությանը, որն այսօր ակնհայտորեն ձախողում է այդ գործընթացը, բայց մենք ունենք փաստ, որ քաղաքում այդ գործի համար մենաշնորհային իրավիճակ է ստեղծվել եւ վերջին տարիների այդ համակարգի կառավարումը պատշաճ ձեւով չի իրականացվել եւ այսօր մենք ունենք այդ պրոբլեմը»,- ասաց նա:
Վարչապետը նշեց, որ այդ խնդրի լուծումն արդեն ուրվագծվում է.
«Պարոն Պապիկյանն ասաց, որ ճանապարհին է 5 աղբատար մեքենա, որի հասնելուն պես իրավիճակը կկարգավորվի: Բայց էստեղ մենք կարծում ենք, որ լրջագույն հայեցակարգային վերանայումներ պետք է անենք, եւ տարբերակներից մեկն այն է, որ մայրաքաղաքի աղբահանությունը ոչ թե մեկ ընկերության վստահվի, այլ մի քանի ընկերությունների»:
Նիկոլ Փաշինյանի խոսքով՝ իրենց համար կարեւորագույն խնդիր է նաեւ աղբի վերամշակման գործարան ունենալը, ինչը կվերացնի քաղաքի աղբը մի վայրից մյուսը տեղափոխել խնդիրը:
Կարդացեք նաև՝ Առաջիկայում կհանդիպեմ Պուտինի հետ. Նիկոլ Փաշինյան
Էներգետիկ համակարգում կան պրոբլեմներ. Փաշինյանը՝ էլեկտրաէներգիայի սակագնի նվազեցման մասին
Ես խնդրեցի ստորագրել, Շանթը հրաժարվեց. Նիկոլ Փաշինյանը` Շանթ Հարությունյանի մասին
