Մարտի 1-ի գործով քննչական խմբի նախկին ղեկավար, նույն գործով ապացույցներ կեղծելու համար որպես մեղադրյալ ներգրավված Վահագն Հարությունյանը տեւական ժամանակ է՝ Էրեբունու Ազատամարտիկների փողոցի իր առանձնատան դիմաց նոր առանձնատուն է կառուցում: Այս մասին «Հայկական ժամանակ»-ին ասացին Հարությունյանի հարեւանները:
Մեր այցի ժամանակ կիսակառույց առանձնատանը շինարարական աշխատանքներ չէին կատարվում:
Մարտի 1-ի գործով քննչական խմբի նախկին ղեկավար Վահագն Հարությունյանը որպես մեղադրյալ է ներգրավվել՝ նախաքննության ընթացքում քննչական խմբի կազմում ընդգրկված առանձին քննիչների հետ եւ ոստիկանության ծառայողների, այդ թվում` փորձագետ Ա. Հ.-ի օժանդակությամբ միասնական դիտավորությամբ ապացույցներ կեղծելու համար:
Երեւան քաղաքի ընդհանուր իրավասության դատարանը, բավարարելով նախաքննական մարմնի միջնորդությունը, Վահագն Հարությունյանին կալանավորելու որոշում է կայացրել:
Մանրամասները՝ սկզբնաղբյուր կայքում
Հիշեցնենք, որ Հատուկ քննչական ծառայությունը հաղորդել էր, որ Վահագն Հարությունյանը որպես մեղադրյալ է ներգրավվել «առանձնապես ծանր հանցագործության վերաբերյալ քրեական գործով ապացույցներ կեղծելու» համար, նրա, ինչպես նաև Ոստիկանության փորձաքրեագիտական վարչության փորձագետի նկատմամբ հետախուզում է հայտարարվել: