Կառավարության կառուցվածքում առաջիկայում փոփոխություններ են լինելու: Օպտիմալացվելու է նախարարությունների թիվը: «Հայկական ժամանակ»-ին հայտնի դարձավ, որ նախնական քննարկումների արդյունքում որոշվել է տարածքային կառավարման եւ զարգացման նախարարությունը դարձնել տարածքային կառավարման եւ ենթակառուցվածքների նախարարություն: Այս գերատեսչությունը շարունակելու է ղեկավարել Սուրեն Պապիկյանը:
Նախնական քննարկվում է նաեւ, որ տրանսպորտի, կապի եւ տեղեկատվական տեխնոլոգիաների նախարարությունից առանձնացվելու է տրանսպորտի ոլորտը եւ ներառվելու է տարածքային կառավարման եւ ենթակառուցվածքների նախարարության մեջ:
Տրանսպորտի, կապի եւ տեղեկատվական տեխնոլոգիաների նախարարությունն էլ վերանվանվելու է կապի եւ տեղեկատվական տեխնոլոգիաների նախարարության:
Նախնական քննարկումների փուլում է նաեւ գյուղատնտեսության նախարարության լուծարումը: Գյուղատնտեսությունը, որպես ճյուղ, կլինի տարածքային կառավարման եւ ենթակառուցվածքների նախարարության կառուցվածքում:
Քննարկվում է նաեւ առողջապահության եւ աշխատանքի ու սոցիալական հարցերի նախարարությունների միավորման տարբերակը:
Ի դեպ, կառավարությունում քննարկվում է նաեւ առաջին փոխվարչապետի պոստը կրճատելու հարցը:
Շարունակությունը՝ սկզբնաղբյուր կայքում
