Այսօր կառավարության նիստի ժամանակ ՀՀ ոստիկանապետ Վալերիյ Օսիպյանն անդրադարձավ ՀՀ վարչապետ Նիկոլ Փաշինյանի կոչին, որն է ամեն գնով խուսափել ճանապարհատրանսպորտային պատահարներից: Օսիպյանը, մասնավորապես նշեց.

«2018-ի համամեմատ 2019-ին ՃՏՊ-ներն ավելացել են 342 դեպքով: 2018 թվականի առաջին կիսամյակի համեմատ, այս տարի 54 հազար 216 ավտոմեքենա ավել է ներկրվել: Այս ամենը ոչ միայն ոստիկանության գործառույթներով է սահմանափակվում, նաև՝ ճանապարհների վատ լուսավորության, տրանսպորտային միջոցների տեխզննումների աննկատ համակարգի. սա ձևական բնույթ է կրում, կարելի է ասել՝ ընդհանրապես բնույթ չի կրում»,- նշեց Վ. Օսիպյանը:

Ոստիկանապետը նկատեց, որ վարորդներին միայն տուգանելը չի բերում որևէ դրական տեղաշարժի.

«Միակ փրկությունը կլինի շատ արագ բալային համակարգը կյանքի կոչելը: Միայն ու միայն բալային համակարգի մեկնարկը կմեկուսացնի պարբերաբար վտանգավոր խախտում կատարողներին»,- հայտարարեց նա:

Կարդացեք նաև՝ Կարգազանց վարորդներին պետք է ընդհանրապես երթևեկությունից հեռացնել․Փաշինյանը՝ մահաբեր վթարների մասին