Արդեն տեղեկացրել ենք, որ Սևանի տնտեսվարողները փակել են Երևան-Սևան մայրուղին և բողոքի ակցիա են իրականացնում: Նրանք պահանջում են, որպեսզի կառավարության ներկայացուցիչները հայտարարեն, որ Սևանում լողալը վտանգավոր չէ: Նրանց խոսքով՝ Առողջապահության նախարարության տարածած հայտարարությունից հետո մարդիկ չեն գալիս Սևան եւ իրենց գործը տուժում է:
Ակցիայի մասնակիցներին հանդիպել է «Իմ քայլը» խմբակցության պատգամավոր
«Սա համարում ենք նախազգուշացում, եթե մինչեւ չորեքշաբթի էդ ձեր պահանջը չկատարվի, էդ հայտարարությունը չարվի ես կգամ ձեր հետ կկանգնեմ ստեղ»,- դիմելով ակցիայի մասնակիցներին ասաց Սասուն Միքայելյանը:
Միքայելյանը խոստացավ, որ հարցին լուծում կտրվի, ակցիայի մասնակիցներն էլ որոշեցին բացել ճանապարհը՝ մինչեւ չորեքշաբթի:
ԱԺ պատգամավորը նաև պատրաստակամություն հայտնեց գնալ ու լողալ Սևանա լճում:
Երբ ակցիայի մասնակիցներից մեկը հանդիպում պահանջեց նախարարների հետ, Միքայելյանն ասաց. «Ինչի ես պակաս նախարաար եմ»:
Հավելենք, որ մայրուղին այս պահին արդեն բաց է: