Հայաստանի նկարիչների միությունում տեղի ունեցավ «Աշխարհը նկարչի աչքերով» խորագիրը կրող ցուցահանդես՝ նվիրված նկարիչ Լևոն Նալբանդյանի ծննդյան 95 ամյակին։
Ցուցահանդեսի ժամանակ ներկայացվել են նկարչի կողմից արված գեղանկարչական, գրաֆիկական, թատերական, արդյունաբերական դիզայնի և ձևավորման 100-ից ավել աշխատանքներ։
Լ․Նալբանդյանը որպես նկարիչ աշխատել է գեղանկարչական արվեստի տարբեր բնագավառներում ինչպիսիք են թատերական ներկայացումների ձևավորման, արդյունաբերական դիզայնի, թանգարանների ինտերյերների ձևավորման բնագավառները։ Իր ստեղծագործական ճանապարհի սկզբում նա՝ որպես թատերական նկարիչ, ձևավորել Է բազմաթիվ ներկայացումներ Լենինականի Ա․Մրավյանի անվան Պետական դրամատիկական թատրոնում։
Լ․Նալբանդյանը, սերտորեն համագործակցում էր Արարատ կոնյակի գործարանի հետ։ Այնտեղ ձևավորել է համտեսի սրահը և ձևավորել գործարանի թանգարանը։ Ձևավորել է Հայկական կոնյակների բազմաթիվ պիտակներ։
Նա հետաքրքրվում էր օտար երկրների մշակույթի և ազգային արվեստի ավանդույթներով։ Այցելել է Եվրոպայի,Ասիայի մի շարք երկրներ, եղել է Հնդկաստանում, Խաղաղ Օվկիանոսի ավազանի երկրներում և բազմաթիվ Աֆրիկյան երկրներում։