Մայիսի 20-24–ը Ադրբեջանում տեղի են ունենում այս տարվա մեջ արդեն երրորդ զորավարժությունները։ Մարդկային զարգացման միջազգային կենտրոնի նախագահ Թևան Պողոսյանն ասում է.
«Պետք է միշտ հիշել, որ ունենք թշնամի, որը փորձում է իր որդեգրած քաղաքականությունը կյանքի կոչել»:
Նրա կարծիքով պետք է միշտ զգոն լինել և հիշել մայիսի 27-28-ին նրանք ավելի ագրեսիվանում են փորձում վիճակը ավելի սրել՝ կապված Մուսավաթական Ադրբեջանի հիմնադրման օրվա հետ։
Լրագրողների հետ հանդիպմանը Թեւան Պողոսյանը անդրադարձավ նաեւ ապրիլյան պատերազմի բացահայտումների համար հանձնախումբ ստեղծելու վարչապետի առաջարկին: Քաղաքագետի կարծիքով, դա պետք է իրականացնել քննարկումների միջոցով։ Իսկ դրական արդյունք պետք է համարել ոչ թե որևէ մեկին պատժելը, այլ համակարգի բարեփոխումները և քննությունից դասեր քաղելը։
