«Ադրբեջանի «բնապահպանական» ակտիվությունը շարունակվում է: Հիմա էլ այդ երկիրը փորձում է ՀՀ-ին բնապահպանական բնույթի մեղադրանքներ ներկայացնել պաշտոնական ու ոչ պաշտոնական մակարդակով, ընդ որում, սրա համար Ադրբեջանը ՀՀ-ին վերագրում է հանքավայրեր, որոնք պարզապես գոյություն չունեն, բարձրաձայնում է հանգամանքներ, որոնք մտացածին են, մատնանշում է որոշումներ, որոնք ուրիշ բանի մասին են, հիշատակում է կոնվենցիաներ, որոնք վերաբերելի չեն»,- այս մասին Կառավարության նիստի ժամանակ հայտարարեց ՀՀ վարչապետը՝ հավելելով, որ ՀՀ պետական ու մասնավոր հատվածի կազմակերպություններն ի ցույց են դնում Ադրբեջանի մեղադրանքների մտացածին լինելը: