Ադրբեջանի և Թուրքիայի բանակների ազդանշանային ստորաբաժանումները ապրիլի 6-ին կսկսեն հատուկ վարժանքներ, որոնց ընթացքում կմշակեն տեղեկատվության փոխանակման միասնական համակարգի կազմակերպման խնդիրները:
Այդ մասին կիրակի օրը հաղորդել են Ադրբեջանի ՊՆ մամուլի ծառայությունից, գրում է ՏԱՍՍ֊ը:
«Ադրբեջանի նախագահ Իլհամ Ալիևի կողմից հաստատված ծրագրին համապատասխան՝ ապրիլի 6-ին կսկսվեն կապի զորքերի համատեղ մարտավարական-հատուկ զորավարժությունները՝ ադրբեջանցի և թուրք զինծառայողների մասնակցությամբ», - ասված է հայտարարության մեջ:
Ըստ նախարարության՝ զորավարժությունների ընթացքում, որոնք կտևեն մինչ ապրիլի 8-ը, ռազմական ազդանշանները կուղևորվեն այն տարածքները, որտեղ զորավարժություններ են իրականացվում, որտեղ կմշակեն հաղորդակցման միասնական համակարգի կազմակերպման խնդիրները: «Զորավարժությունները, որոնք անցկացվելու են ժամանակակից կապի և կառավարման ավտոմատացված համակարգերի օգտագործմամբ, իրականացնելու են զորքերի փոխգործակցության կազմակերպման, դաշտային հրամանատարաշտաբների տեղակայման և այլ միջոցառումների խնդիրները», - ասվում է հաղորդագրության մեջ:
