ՀՀ վարչապետ Նիկոլ Փաշինյանը ֆեյսբուքյան իր էջում տարածել է տեսանյութ, որում ներկայացված է կորոնավիրուսից ապաքինվող Կարինե Զաքարյանի պատմությունը: Տեսանյութին կից վարչապետը գրել է.
«Կորոնավիրուսի դեմ պայքարը պետք է լինի մեզնից յուրաքանչյուրի առաջնային անելիքը: Ամեն մեկս մեր տեղում մեր լուման պետք է ներդնենք, հակառակ դեպքում սա չի հաղթահարվի: Ինքներս պահելով հակահամաճարակային կանոնները, ուրիշներին քաջալերելով, խնդրելով, հորդորելով նույնը անել:
Մենք պարտավոր ենք հաղթել, բայց մենք դա կարող ենք անել միասին»:
