Ամենօրյա ռեժիմով ակցիաներ ենք իրականացնելու.Դավիթի դասընկերները պահանջում են փոխել խափանման միջոցը
«Մենք մեր լռակյաց ցույցն իրականացրինք ՄԱԿ-ի գրասենյակի առաջ, ինչը կապված է մեր դասընկերոջէ Դավիթ Մինասյանի հետ, ով այս պահին կալանավորված է և գտնվում է Արմավիր ՔԿՀ-ում, չնայած որ կարող էր մեզ հետ լինել և մեզ հետ պատրաստվել Վերջին զանգին»,- այս մասին լրագրողների հետ զրույցում նշեց Դավիթ Մինասյանի դասընկերը՝ Հենրի Էլբակյանը։
«Մենք նամակներ ենք հղել ՄԱԿ-ին՝ այն հույսով, որ ուշադրություն կդարձնեն, թե ինչ է կատարվում այս պահին ՀՀ-ում երիտասարդների հանդեպ։ Նամակները տարբեր լեզուներով ուղղվել են ՄԱԿ-ի տարբեր կառույցներին՝ և՛ թղթային, և՛ էլեկտրոնային տարբերակներով, խնդրել ենք ուշադրություն դարձրել երիտասարդների կրթության և իրավունքների ոտնահարմանը»,- նշեց Էլբակյանը՝ հավելելով՝ ակցիաները շարունակվելու ենք մինչև մեր դասընկերոջ ազատությունը։
