Ինչպես տեղեկացնում է «Ազատություն» ռադիոկայանը, ամերիկացի փորձագետների կարծիքով հաջորդ տարի Ղարաբաղում չի բացառվում նոր ռազմական հակամարտության բռնկում: «Միջնորդական ջանքերի ձախողման, սպառազինությունների մրցավազքի և հրադադարի հաճախակի խախտումների հետևանքով Լեռնային Ղարաբաղում ռազմական գործողությունների վերսկսման վտանգը գնալով աճում է», - փաստում է Ամերիկայի ամենաազդեցիկ փորձագիտական կենտրոններից մեկի՝ Արտաքին հարաբերությունների խորհրդի (Council on Foreign Relations) զեկույցը, որի նպատակն է կանխատեսել 2017-ի հավանական հակամարտություններն ու դրանց հնարավոր ազդեցությունը Միացյալ Նահանգների վրա: