Telegram-ի «Բաղրամյան 26» ալիքն օրեր առաջ մի լուսանկար է հրապարակել, որտեղ Արթուր Վանեցյանն է՝ ՀՀ ԱԺ աշխատակազմի նախկին գլխավոր ղեկավար Արա Սաղաթելյանի հետ:
Նշվում է, որ լուսանկարն արվել է Մոսկվայում:
«Հայկական ժամանակ»-ն այսօր Վանեցյանից խնդրել է պարզաբանել, թե որտեղ և երբ է հանդիպել Արա Սաղաթելյանի հետ: Ի պատասխան՝ Վանեցյանն ասել է.
«Արա Սաղաթելյանն իմ 22 տարվա ընկերն է, որի մասին տեղյակ են բոլորը, չկա մարդ, որը չգիտի՝ ինքն իմ ընկերն է: Ես իր հետ հանդիպել եմ թե՛ մինչեւ ԱԱԾ տնօրեն դառնալը, թե՛ ԱԱԾ տնօրեն դարձած ժամանակ, թե՛ ԱԱԾ տնօրենի պաշոնից դուրս գալուց հետո: Վարչապետն էլ գիտի, որ Արա Սաղաթելյանն իմ ընկերն է ու ես իր հետ պարբերաբար հանդիպել եմ»:
«Հայկական ժամանակ»-ի ճշտող հարցին՝ լուսանկարն օրեր առա՞ջ է արվել, Վանեցյանը պատասխանել է.
«Չեմ ուզում ասել, ամեն բան չեմ ուզում մեկնաբանել, ինչ գրում են՝ թող գրեն»:
Կայքի հարցին ի պատասխան՝ Վանեցյանն ասել է, որ այս պահին գտնվում է Երևանում:
Տեղեկացնենք, որ Արա Սաղաթելյանը հայտնի է որպես Սերժ Սարգսյանի փեսա Միքայել Մինասյանի PR թիմի ղեկավար:
Նյութը՝ սկզբնաղբյուր կայքում
Կարդացեք նաև՝ Վանեցյանը Մոսկվայում հանդիպել է Սամվել Կարապետյանի հետ․ Լուսանկարը համացանցում քննարկումների առիթ է դարձել
