«Առաջին անգամ չէ, որ ահազանգեր ենք ստանում թմրանյութերի ահագնացող չափերով տարածման մասին։

Ցավալին այն է, որ թմրանյութերի վաճառքով զբաղվողները թիրախավորում են դպրոցականներին:

Այս վտանգավոր երևույթը կանխելու որևէ գործուն քայլ ՝ հանրակրթության բնականոն ընթացքի ապահովման պատասխանատուների կողմից, տեսանելի չէ։

Այնինչ սա ուղղակիորեն ազգային անվտանգության հարց է»,-«Ապրելու երկիր» կուսակցության նախագահ Մանե Թանդիլյանն այս մասին խոսել է Արաբկիր վարչական շրջանում՝ քարոզարշավի ընթացքում։