Արդարադատության նախարարության աշխատակազմի տեղեկատվության և հասարակայնության հետ կապերի վարչության պետ Լուսինե Մարտիրոսյանը տարածել է պարզաբանում՝ արդարադատության նախկին նախարարի օգնականին աշխատանքից ազատելու մասին մամուլում հրապարակված տեղեկությունների  վերաբերյալ:

«Եվս մեկ անգամ ցանկանում եմ նշել, որ անհեթեթ են այն խոսակցությունները, որ Արդարադատության նախարարության աշխատակից Մերի Գևորգյանն աշխատանքից ազատվել է հագուկապի պատճառով: Նա իրականացրել է նախկին նախարարի օգնականի գործառույթները, իսկ աշխատանքից ազատվել է սեփական դիմումի համաձայն»: