Սյունիքում երեկ՝ օգոստոսի 1-ին արտակարգ դեպք է տեղի ունեցել։ Ոստիկանությունից հայտնում են, որ ժամը 21։20-ի սահմաններում  Գորիս քաղաքում ապրող մի տղամարդ նռնակով զինված մտել է ոստիկանության Գորիսի բաժին ու սպառնացել, որ բոլորին կպայթեցնի։

Ոստիկաններին հաջողվել է ձեռքից խլել մարտական նռնակն ու վնասազերծել նրան։

Քաղաքացուն տեղափոխել են նյարդահոգեբուժական դիսպանսեր։

Դեպքի կապակցությամբ նյութեր են նախապատրաստվում։

Իրավապահները պարզում են, թե ինչ պատճառներով է տղամարդը նման ծայրահեղ քայլի դիմել։