Արդարադատության փոխնախարար Վահե Դանիելյանն այսօր` մարտի 17-ին, կայացած մամուլի ասուլիսի ժամանակ ներկայացրեց արտակարգ դրության առանձնահատկությունները։
Ինչպես նաև Վահե Դանիելյանը տեղեկացրեց, որ երեկվանից մինչ այս պահն արտակարգ դրության խախտման դեպքեր են արձանագրվել հիմնականում ԶԼՄ-ների առանձին հրապարակումների վերաբերյալ։
Նա նշեց, որ քիչ առաջ հանդիպում է ունեցել ԶԼՄ ներկայացուցիչների հետ, որի ընթացքում քննարկվել է առկա սահմանափակումները։ Դանիելյանի կարծիքով՝ կա որոշակի թյուրընկալում սահմանափակումների հետ կապված, հիմնականում, թե որ տեսակի տեղեկատվությունն իրավունք ունեն հրապարակելու ԶԼՄ-ները, իսկ ինչ տեսակի տեղեկատվություն՝ իրավունք չունեն։
«Մեր քննարկումների արդյունքում կարծում ենք՝ դեպքերը կնվազեն, իսկ խուճապ չառաջացնելու համար շատ կարևոր է հետևել պաշտոնական լրատվությանը»,- հայտարարեց փոխնախարարը։
